मराठवाडा मुक्तीसंग्राम दिनाच्या कार्यक्रमात मुख्यमंत्री ठाकरे मुक्तपणे बोलले…

मुक्तपीठ टीम

मराठवाडा मुक्ती संग्राम दिनानिमित्त मुख्यमंत्री उद्धव ठाकरे आज औरंगाबाद दौऱ्यावर आहेत. औरंगाबाद जिल्हा परिषदेच्या नव्या प्रशासकीय इमारतीचे उद्घाटन मुख्यमंत्री उद्धव ठाकरे यांच्या हस्ते पार पडलं. या कार्यक्रमाला कार्यक्रमाला केंद्रीय रेल्वे राज्यमंत्री रावसाहेब दानवे, पालकमंत्री सुभाष देसाई, अब्दुल सत्तार, एमआयएम खासदार इम्तियाज जलील उपस्थित होते. या कार्यक्रमात केंद्रीय रेल्वे राज्यमंत्री रावसाहेब दानवे आणि मुख्यमंत्री उद्धव ठाकरेंची फटकेबाजी लक्षवेधी ठरली. “मंचावर उपस्थित आज-माजी आणि एकत्रित आले तर भावी सहकारी”.अशा शब्दात मुख्यमंत्र्यांनी भाषणाची सुरुवात करताच अनेकांच्या भुवया उंचावल्या.

काय म्हणाले मुख्यमंत्री?

• रावसाहेब दानवे यांनी नागपूर-मुंबई बुलेट ट्रेनसाठी पाठिशी राहण्याची विनंती केली. त्यावर माझ्या राज्याची राजधानी आणि उपराजधानीला जोडणारा लोहमार्ग मुंबई नागपूर बुलेट ट्रेन होणार असेल तर रावसाहेब मी तुम्हाला शब्द देतो, मी तुमच्यासोबत आहे.
• मुंबई-नागपूर बुलेट हा प्रोजेक्ट राज्यासाठी महत्वाचा ठरेल आणि त्यामुळे केंद्रीय मंत्री रावसाहेब दानवेंनी आपले वजन वापरून त्यासाठी पुढाकार घ्यावा.
• दानवे जर पुढाकार घेत असतील तर राज्य सरकार त्यांच्या पाठिशी ठामपणे उभं राहिल.
• मला रेल्वे का आवडते कारण रेल्वेला रूळ असतात, रुळ सोडून इंजिन इकडे तिकडे कुठेही जाऊ शकत नाही. त्याला डायव्हर्जन मारलं तर आमच्या स्टेशनवर येऊ शकता”
  काय म्हणाले रावसाहेब दानवे?
• दानवेंनी या कार्यक्रमात तुफान फटकेबाजी केली.
• आज १७ तारखेला आमचा स्वातंत्र्याचा दिवस उजाडला, स्वातंत्र्याच्या 1 वर्षांनी देशात विलीन होता आलं.
• १७ सप्टेंबर हा आम्ही स्वातंत्र्याचा दिवस साजरा करतो. ग्रामीण विकासाचा पाया म्हणजे जिल्हा परिषद आहे. मी या जिल्हा परिषदेचा सदस्य होतो. त्यावेळी भाजप नव्हता जनता पक्ष होता, आणि नांगराच्या चिन्हावर मी निवडून आलो होतो. तेव्हा वाटायचं एक बिल्डिंग असावी ती आज पूर्ण झाली.
• मला तेव्हा ६५ रुपयांच्या भत्त्याचा चेक मिळाला, मला चेक देताना मॅनेजर मला ओळखेना कारण मी सभापती असेन असं त्याला वाटत नव्हतं.
• अब्दुल सत्तार यांनी काही मागण्या केल्या. मराठवाडा सध्या मागास नाही, आमच्या सरकारने सर्वात जास्त निधी उपलब्ध केला. समृद्धी महामार्ग, नांदेड महामार्ग सुद्धा आम्ही मंजूर केला.
• सोलापूरपासून धुळ्यापर्यंत रेल्वे झाली नाही तर रावसाहेब दानवे यांना मतदान करून नका, असं अब्दुल सत्तार यांनी सांगितलं. मग मी पण म्हणालो सिलोड जिल्हा झाला नाही तर अब्दुल सत्तार यांना मतदान करू नका.
• मी ४१ वर्षापासून राजकारणात आहे. ४१ वर्षांपूर्वी स्टेजवर बसलेली एकही व्यक्त राजकारणात नव्हती. तुम्ही माझ्याकडून काही अपेक्षा ठेवता तशा मी पण काही अपेक्षा ठेवतो.
• मुंबई नागपूर बुलेट ट्रेनचं प्रेझेंटेशन आम्ही तयार केलं. फक्त ३५ टक्के जमीन आम्हाला अधिक लागणार आहे. ते प्रेझेंटेशन घेऊन मी आपल्याला भेटणार आहे, त्याला परवानगी द्या, असं आवाहन रावसाहेब दानवे यांनी मुख्यमंत्री उद्धव ठाकरे यांना केलं.

मुख्यमंत्र्यांच्या भाषणातले आणखीनही महत्वाचे मुद्दे खालीलप्रमाणे

• मराठवाड्यासाठी पैठणमध्ये संतपीठाची घोषणा
• औरंगाबादची पर्यटन क्षेत्रात समृद्ध बनवणार
• घृष्णेश्वर पुरातन मंदिरात सभामंडपाचे काम
• मराठवाड्यासाठी 200 मेगावॅट सौरऊर्जा प्रकल्प उभारणार
• निजामकालीन १५० शाळांचा पुनर्विकास करणार
• परभणीत शासकीय वैद्यकीय महाविद्यालय स्थापन करणार
• औरंगाबाद आणि शिर्डी विमानसेवा सुरु करण्याची संकल्पना