किरीट सोमय्यांची नवी हिट लिस्ट..."उद्धव ठाकरे इलेव्हनचे घोटाळे दिवाळीपर्यंत उघड करणार, आव्हाड बॅग भरा!"

मुक्तपीठ टीम

भाजपा नेते किरीट सोमय्यांनी आता त्यांची नवी हिट लिस्ट जारी केली आहे. ठाकरे सरकारवर त्यांनी हल्ला वाढवत लूट आणि बेनामी कारभाराचा आरोप केला आहे. ठाकरे सरकार हे बेनामी सरकार आहे. ठाकरे मंत्रिमंडळाचा त्यांनी ठाकरे इलेव्हन सरकार असा उल्लेख केला. मुख्यमंत्री उद्धव ठाकरेंसह बाराजणांचे घोटाळे दिवाळीपर्यंत उघड करणार, असा इशारा त्यांनी दिला आहे. परिवहन मंत्री अनिल परब, खासदार भावना गवळी ही सध्या ईडीच्या फेऱ्यातील नावे घेताना त्यांनी नवे नाव घेतले ते राज्याचे गृहनिर्माण मंत्री राष्ट्रवादी काँग्रेसचे जितेंद्र आव्हाड यांचं. “आव्हाड तुम्हाला जाहीर आव्हान आहे, तुम्हीही बॅग भरा”, असा इशारा माजी खासदार सोमय्या यांनी दिला आहे.

सोमवारी भाजपा नेते किरीट सोमय्या हे सांगलीत होते. त्यांनी आरटीओ अधिकारी बजरंग खरमाटे यांच्या सांगली आणि तासगावमधील मालमत्तांची पाहणी केली. त्यावेळी परिवहन मंत्री अनिल परब यांची बेनामी संपत्ती खरमाटे यांच्या नावावर असल्याचा गंभीर आरोप सोमय्या यांनी केलाय. आरटीओ अधिकारी खरमाटे हे अनिल परब यांचे निकटवर्तीय मानले जातात.

७० हजार पगार, मग ७५० कोटींची मालमत्ता कशी?

किरीट सोमय्या यांनी आरटीओ अधिकारी खरमाटे आणि त्यांच्या निमित्तानं परिवहन मंत्री अनिल परबांवर गंभीर आरोप केले.
बजरंग खरमाटे यांची तब्बल ७५० कोटी रुपयांची मालमत्ता आहे.
त्यांचा पगार ७० हजार आहे. मग त्यांच्याकडे एवढी मालमत्ता कशी आली?
खरमाटे यांची सोने-चांदीची दुकानं, प्रथमेश पाईप कारखाना आहे.
खरमाटे यांच्या प्रथमेश या मुलाच्या नावानं अनेक उद्योग आहेत.
ही संपत्ती कुणाची आहे कळत नाही.
अनिल परब यांच्या सचिवाची एवढी मालमत्ता कशी?
मग मंत्रिमहोदयांची किती असेल?

“उद्धव ठाकरे इलेव्हनचे घोटाळे दिवाळीपर्यंत उघड करणार, आव्हाड बॅग भरा!”

सोमय्या यांनी मुख्यमंत्री उद्धव ठाकरे यांनाही लक्ष्य केले.
त्यांच्या पत्नी रश्मी ठाकरे यांच्या नावावर १९ बेनामी बंगले आहेत.
ठाकरे सरकार हे बेनामी सरकार आहे.

ठाकरे इलेव्हन सरकार आणि उद्धव ठाकरेंसह बाराजणांचे घोटाळे दिवाळीपर्यंत उघड करणार!

आम्ही ठाकरे यांच्या धमक्यांना घाबरत नाही.
आम्ही घोटाळे केले असतील तर चौकशी करा.
आता अनिल परब प्रकरण आता सुरु आहे.
भावना गवळी पुढच्या आठवड्यात असणार.
जितेंद्र आव्हाड तुम्हाला जाहीर आव्हान आहे, तुम्हीही बॅग भरा! असा इशाराही सोमय्यांनी दिला.

बजरंग खरमाटे यांच्यावर आरोप काय?

बजरंग खरमाटे हे आरटीओ अधिकारी आहेत.
सोमवारी खरमाटेंची ईडीकडून चौकशी करण्यात आली.
खरमाटे यांच्याकडे मोठ्या प्रमाणात बेहिशेबी मालमत्ता असल्याचा आरोप आहे.
खरमाटे, त्यांची पत्नी, मुलगा आणि भाऊ यांच्याकडे असलेल्या मालमत्तांबाबतही ईडीच्या अधिकाऱ्यांनी चौकशी केली.
मालमत्ता कशी मिळवली, मालमत्ता किती रुपयांना घेतली, पैसे कुठून आले, याबाबत चौकशी करण्यात आली.
सरकारी बदल्यांमध्ये होत होत्या त्यात खरमाटे यांची काय भूमिका होती? याबाबतीतही चौकशी करण्यात आली.