मुक्तपीठ टीम
मोटारसायकल आणि स्कूटर उत्पादक हिरो मोटोकॉर्पने केवळ एका दिवसात एक लाखांहून अधिक दुचाकींची जबरदस्त विक्री केली आहे. हिरो मोटोकॉर्पच्या माहितीनुसार, “हिरोने ९ ऑगस्ट २०२१ रोजी आपल्या १० व्या वर्धापन दिनानिमित्त एक लाख बाईक विकल्या आहेत.”
एकाच दिवसात विक्रमी विक्रीमध्ये देशांतर्गत आणि जागतिक बाजारपेठांमध्ये विकल्या गेलेल्या बाईकची संख्या समाविष्ट आहे. ही विक्री कोणताही सण-उत्सव किंवा विशेष ऑफर नसूनही झालेली आहे. त्यामुळे हिरो मोटोकॉर्पच्या या कामगिरीचे कौतुक होत आहे. हिरो मोटोकॉर्पने म्हटले आहे की, “ग्राहकांनी आमच्यावर विश्वास ठेवला आणि ९ ऑगस्टला ‘हिरो डे’ बनवले.”
स्कूटर, एन्ट्री, डीलक्स, प्रीमियम वाहनांसह उत्पादनांच्या हिरो मोटोकॉर्प श्रेणीच्या मागणीमुळे दमदार विक्री झाली आहे.
ग्राहकांचा विश्वास, हिरो मोटोकॉर्पला जबरदस्त प्रतिसाद!
- ९ ऑगस्टच्या ‘हिरो डे’च्या दिवशी स्कूटरची दैनंदिन सरासरी विक्री दुप्पट झाली आहे.
- हिरो मोटोकॉर्पच्या नवीन लॉन्च केलेल्या हिरो मेस्ट्रो एज १२५, डेस्टिनी आणि प्लेझर ११० सह इतर स्कूटरची ही मागणी होती.
- तसेच नवीन ग्लॅमर एक्सटीईसी, नवीन मॅट शील्ड गोल्ड कलर स्प्लेंडर, हिरो एक्सट्रीम १६० आर ने देखील एकूण विक्रीत लक्षणीय योगदान दिले आहे.
हिरो मोटोकॉर्पने ट्वीट केले की, “१५०+ हिरोच्या टीमने ९ ऑगस्ट २०२१ रोजी ‘सर्वात मोठा मोटारसायकल लोगो’ तयार करण्यासाठी परिश्रम घेतले. हा रेकॉर्ड तोडणारा टप्पा गाठल्याबद्दल संपूर्ण हिरो परिवाराचे अभिनंदन!”
Subscribe
