शिक्षक झाले शेतकरी, शेतकऱ्यांना पाठवले लसीकरणासाठी!

मुक्तपीठ टीम

शर्ट…दुमडलेली पँट…सलावर कमिझ….असे चांगले स्वच्छ इस्त्री केलेले कपडे घालून शेतातल्या चिखलात लावणीचं काम. आश्चर्यच वाटेल हे पाहून. वाचून. पण असं प्रत्यक्षात घडलं ते माणिकपूर गावात. तिथं मस्त थाटात पेरणी करणारे शेतकरी नव्हते तर ते होते शिक्षक. त्यांनी स्वत: पेरणीचे काम केले, त्यामुळे शेतकऱ्यांना लसीकरणासाठी जाणे शक्य झालं.

अभिमान वाटावा असे हे शिक्षक आहेत, मध्यप्रदेशच्या डिंडोरी जिल्ह्यातील माणिकपूरचे. शिक्षक शेतात भात लावणी करताना पाहायला मिळाले, कारण शेतीच्या हंगामात शेतकऱ्यांना लसीकरणासाठी वेळ काढता येत नसल्याचं त्यांना कळले. ३३ शेतकऱ्यांचा दुसरा डोस बाकी होता. लसीकरण केंद्र ओस पडलं होतं. त्यामुळे शिक्षक शेतात गेले. त्यांनी शेतकऱ्यांचे काम सुरु केलं आणि शेतकरी लसीकरणासाठी गावातील केंद्रावर गेले. असे शिक्षक आणि असे शेतकरी हेच आपले खरे भाग्यविधाते!

लसीकरणाविषयी लोकांमध्ये जनजागरण झाल्यानंतर आता प्रतिसाद वाढत आहे. या शेतकऱ्यांनीही पहिला डोस घेतला होता. पण त्यांना दुसऱ्या डोसच्या वेळी शेतकरी आणि मजुरांनी आरोग्य विभागाला सांगितले होते की, आम्ही काम पूर्ण केल्यानंतरच लसीसाठी जाऊ. अशा परिस्थितीत शिक्षकांनी त्यांना लसीसाठी पाठवून त्यांचे काम सुरू केले.

शिक्षक झाले शेतकरी!

• शिक्षकांचे शेतकऱ्यांनी लस घ्यावी यासाठी प्रयत्न केले.
• भोपाळपासून ३८० किमी अंतरावर असलेल्या शाहपूरपासून माणिकपूर गावात शिक्षकांनी ७ ऑगस्ट रोजी भात लागवड केली आहे.
• प्राथमिक शालेय शिक्षक जी आर झारिया यांनी सांगितले की, शिक्षक लोकांच्या सामान्य लसीकरणासाठी फेरी मारत असताना गावात बांधलेल्या बांधावर पोहोचले.
• तेथे पोहोचल्यावर त्यांनी लसीकरण केंद्र रिकामे असल्याचे पाहिले.
• बांधावर उपस्थित आरोग्य कर्मचाऱ्यांच्या नोंदीनुसार ३३ लोकांना लसीचा दुसरा डोस बाकी होता.
• दुपारी एक वाजेपर्यंत लसीकरण केंद्रावर कोणीही लस घेण्यासाठी आले नव्हते.
• त्यांना आढळले की, सर्व शेतकरी भात लागवडीसाठी शेतात आहेत.
• झारिया म्हणाले की, यानंतर आम्ही त्यांच्याशी बोलण्यासाठी शेतात गेलो.
• त्यांना पटवून देण्याचा प्रयत्न केला की लसीकरण करणे महत्त्वाचे आहे.
• शेतकरी आणि मजुरांनी सांगितले की ते लस दुसऱ्या दिवशी घेऊ शकतात, हवामानामुळे लागवड करणे महत्त्वाचे आहे.
• त्याच वेळी, शिक्षक गावात पोहोचले आणि शेतकऱ्यांची ही वेदना समजून घेतली.
• यानंतर शिक्षकांनी एकमेकांशी चर्चा केली. त्यानंतर शिक्षकांनी शेतात काम करायचे ठरवले आणि शेतकऱ्यांना लसीकरणासाठी पाठवले.
• त्याच वेळी, शिक्षक स्वतः देखील लस घेण्यासाठी तेथे पोहोचले होते.