मुक्तपीठ टीम
भाजपेतर राजकीय पक्षांनी अर्णब गोस्वामींच्याविरोधात जोरदार आघाडी उघडली आहे. राष्ट्रवादी काँग्रेस आक्रमक झाली आहे. “अटक करा अटक करा अर्णव गोस्वामी याला अटक करा…” अशा घोषणा देत राष्ट्रवादी काँग्रेसने रिपब्लिक टीव्ही कार्यालयाबाहेर जोरदार आंदोलन केले.
“अर्णब गोस्वामींना गोपनीय माहिती मिळाली आणि त्याने चॅनेलचा टीआरपी वाढवण्यासाठी उपयोग केला ही बाब गंभीर आहे. त्यामुळे त्याला तात्काळ अटक करावी व गृहमंत्री अमित शहा यांनी यावर खुलासा करावा,” अशी मागणी माजी आमदार विद्याताई चव्हाण यांनी केली. तर राज्याचे मुख्य प्रवक्ते महेश तपासे यांनी “अर्णब गोस्वामींना ही गोपनीय माहिती कुणी पुरवली याची माहिती उघड करावी,” अशी मागणी माध्यमांशी बोलताना केली.
यावेळी राष्ट्रवादी काँग्रेसच्या माजी आमदार विद्याताई चव्हाण, राष्ट्रवादीचे राज्य मुख्य प्रवक्ते महेश तपासे, मुंबई विद्यार्थी अध्यक्ष अमोल मातेले यांच्यासह राष्ट्रवादीच्या महिला कार्यकर्त्या आणि युवक कार्यकर्ते मोठ्या संख्येने उपस्थित होते.
Subscribe
