मुक्तपीठ टीम
प्रसिद्ध डान्स रिअॅलिटी शो ‘डान्स दिवाने ३’ हा नेहमीच कोणत्या ना कोणत्या कारणामुळे चर्चेत राहिला आहे. शोमधील स्पर्धकांची कामगिरी लोकांची मने जिंकत असतात, तर त्याच स्पर्धकांच्या जीवनातील वास्तव कथाही हृदयला हेलावून जातात. अशाच एका स्पर्धकाची वेदनादायक कहाणी ऐकून शोच्या जड्ज माधुरी दीक्षित भावूक झाल्या. या स्पर्धकाच्या आईला माधुरीने एक सोन्याची बांगडी भेट म्हणून दिली. ही बांगडी खूपच सुंदर आणि महागडी दिसत आहे. आईला माधुरीकडून बांगडी भेट म्हणून मिळालेली पाहताना स्पर्धकांच्या डोळ्यात पाणी आले.
View this post on Instagram
अनिल कपूरसाठी केला होता खास परफॉर्मन्स
• ‘डान्स दिवाना ३’ च्या आगामी भागाची एक झलक कलर्स टीव्हीच्या इन्स्टाग्राम अकाऊंटवर शेअर केली गेली आहे.
• यामध्ये अभिनेता अनिल कपूर या कार्यक्रमात खास पाहुणे म्हणून दाखल झाल्याचे पाहायला मिळत आहे.
• तर या काळात ‘बीट बॉयज’ अनिल कपूरच्या गाण्यावर ‘रमता जोगी’ गाण्यावर डान्स करण्यासाठी स्टेजवर येतात. आणि सर्वांची मनं जिंकतात.
• अनिल कपूरसुद्धा त्यांचे कौतुक करताना दिसत आहे.
बीट बॉयजचा डान्स संपल्यावर, जड्ज माधुरी दीक्षित, स्पर्धक पीयूषशी बोलताना म्हणतात की, ‘आज अनिलजी इथे आले आहेत, त्यांना तुमच्या सर्वांची इच्छा पूर्ण करायची आहे.’ जेव्हा मी तुझे पत्र वाचले ज्यामध्ये लिहिले आहे की तू संघर्ष कसा करीत आहेस, जेव्हा वडील निघून गेले तेव्हा ते आईचे सर्व दागिने घेऊन गेले, त्यांनी काहीच सोडले नाही. हे वाचून मला खूप वाईट वाटले, म्हणून मला माझ्यावतीने तुझ्या आईला काहीतरी देण्याची इच्छा आहे.”
स्पर्धकाच्या आईला माधुरीने दिली भेट
माधुरी हातात एक बॉक्स घेऊन स्टेजवर आली आणि त्यामधून पियुषला सोन्याची बांगडी दिली. आईला ही बांगडी घालताना पियुष भावुक झाला. त्याचवेळी हा देखावा पाहत सेटवर उपस्थित प्रत्येकजण माधुरीच्या या हळव्या स्वभावाने भावूक झाला. प्रत्येकाच्या डोळ्यात पाणी तरारले. ते पाणी म्हणजे माधुरीच्या माणुसकीला मिळालेली सलामीच होती.
Subscribe
