मुक्तपीठ टीम
भारतातील एक गुणवान अभिनेते म्हणजे कमल हसन. त्यांच्या अभिनय कौशल्यामुळे त्यांचे सर्वत्र कौतुकच होते. त्यांनी बॉलिवूड आणि टॉलिवूडमध्ये वेगलं नाव कमावलं आहे. एकीकडे संवेदनशीलतेमुळे राजकीय क्षेत्रातही पदार्पण केलेल्या कमल हसन यांनी नुकत्याच एका फॅनशी मारलेल्या गप्पा त्यांची प्रतिमा कमालीची उंचावणारी ठरणाऱ्या आहेत.
कमल हसन य़ांची जोरदार फॅन फॉलोइंग आहे. नुकताच त्यांनी एका व्हिडीओ कॉलद्वारे त्यांच्या एका चाहत्याशी संपर्क साधला. या संभाषणाची छायाचित्रे सोशल मीडियावर व्हायरल होत आहेत. त्यांचा या चाहत्याला मेंदूचा कर्करोग आहे. कमल हसन यांचे चाहत्यांच्या प्रतीचे हे प्रेम पाहून सोशल मीडियावर कौतुक होत आहे.
साकेत कमल हसनचा कडवा फॅन
कमल हसन यांचा डाय हार्ट फॅन असलेल्या साकेत नावाच्या व्यक्तीला नुकतेच मेंदूचा कर्करोग असल्याचे समजले झाले. बर्‍याच काळापासून साकेतला कमल हसन यांना भेटायचे होते आणि त्यांच्याशी बोलायचे होते. कमल हासन यांनी साकेत याची प्रकृती आणि इच्छा जाणून घेतल्यावर संपर्क साधण्यासाठी सहमती दर्शविली.
सोशल मीडियावर व्हायरल झाले फोटो
कमल हासन यांच्याशी व्हिडीओ कॉलवरून साकेत आणि त्याच्या कुटुंबातील सदस्यांनी संवाद साधला. चाहत्यांसमवेत कमल हसन यांच्या व्हिडीओ कॉलची छायाचित्रे सोशल मीडियावर व्हायरल होत आहेत. या कॉलसाठी कमल हसन यांच्यापर्यंत संपर्क साधणाऱ्या संध्या वैद्यनाथन यांनी सोशल मीडियावर कमल हसन यांचे आभार मानले आहेत.
साकेतला कमल हसन यांच्याशी बोलता आलं!
संध्या वैद्यनाथन यांनी इंस्टाग्रामवर लिहिले, “आणि आम्ही ते करून दाखवले, माझा यावर विश्वास नाही. कमल हासन यांना पाहाण्याची इच्छा साकेतची होती आणि ते घडले. मी त्यांच्या कार्यालयात असलेल्या टीमचा आणि ही घटना पसरविणार्‍या प्रत्येकाचे खूप आभारी आहे. साकेतला स्टेज ३ ब्रेन कॅन्सर आहे. तो लढाऊ आणि सकारात्मक भावनेचा आहे. आम्हाला सर्वांना त्याच्यावर अभिमान आहे.” असे त्या म्हणाल्या.
Subscribe
