मुक्तपीठ टीम
डुकाटी इंडिया कंपनी आपल्या २०२१ मॉन्स्टर स्पोर्ट्स मोटरसायकलला या वर्षाच्या अखेरपर्यंत लॉन्च करण्याच्या तयारीत आहे. या मोटरसायकलला मागील वर्षी डिसेंबर महिन्यात लाँच करण्यात आले होते. तेव्हापासून भारतातील स्पोर्ट्स बाइकप्रेमी याच्या लॉन्चिंगची वाट पाहत आहेत.
२०२१ डुकाटी मॉन्स्टर स्पोर्ट्स बाइकचे फीचर्स
• ही मोटरसायकल उत्कृष्ट लूक आणि हायटेक फीचर्ससह आहे.
• इंजिन आणि पॉवरच्या बद्दल बोलायचे झाल्यास या मोटरसायकलमध्ये ९३७सीसीचा टेस्टास्ट्रेटा ११ डिग्री, व्ही-ट्विन इंजिन बसविण्यात आले आहे.
• इंजिनला ६ स्पीड गिअरबॉक्ससह जोडले आहे.
• या जबरदस्त इंजिनमुळे ही मोटारसायकल ९,२५०आरपीएमवर ११०एचपीची मॅक्सिमम पॉवर आणि ६,६००आरपीएमवर ९३एनएमचा पीक टॉर्क जनरेट करण्यास ती पूर्णत: सक्षम असेल.
भरपूर वेगळे आकर्षक फिचर्स
• याव्यतिरिक्त या मोटरसायकलमध्ये ऑल एलईडी सेटअप, मस्क्यूलर फ्लूल टॅंक, अपस्वेट ड्युअल एक्झॉस्ट, स्वीप एलईडी इंडिकेटर देण्यात आले आहे.
• तसेच ४.३ इंचाचा टीएफटी स्क्रीन, १७ इंचाचा कास्ट एल्यूमिनियम व्हील्स देण्यात आले आहेत.
• मोटरसायकलमध्ये ग्राहकांना स्पोट्स, अर्बन आणि टूरिंग असे ३ रायडिंग मोड दिले आहेत.
• पॉवरफुल डिस्क ब्रेस्क सह कॉर्नरिंग एबीएस, ट्रॅक्शन कंट्रोल, व्हीली कंट्रोल आणि लॉन्च कंट्रोल असे फीचर्स दिले आहेत.
किंमत
२०२१ डुकाटी मॉन्स्टर मोटरसायकलच्या किंमती बद्दल बोलायचे झाल्यास, या मोटरसायकलच्या किंमती बद्दल अद्याप अधिकृत अशी माहिती समोर आलेली नाही. परंतु १० लाख रुपयांपासून या मोटरसायकलच्या किंमतीची सुरुवात होण्याची शक्यता आहे.
Subscribe
