मुक्तपीठ टीप
कोरोनाचा परिणाम केवळ शरीरावर होत नाही तर रुग्णांच्या मनावरही होतो. त्यामुळेच अनेक डॉक्टर उपचारांच्या व्यतिरिक्त रुग्णांच्या मनानंही पुन्हा उभारी घेण्यासाठी मदत करीत आहेत. रुग्णांना कोरोनाविरूद्ध लढा सुरू ठेवण्यासाठी त्यांचं मनोधैर्य वाढवण्यासाठी प्रेरित करत आहेत. त्यासाठी केवळ वैद्यकीय उपचारच नाहीत तर संगीत आणि योगालाही उपयोगात आणत आहेत.
मिळेल त्या साधनांचा वापर करत देशाला कोरोनापासून मुक्त करण्यासाठी डॉक्टर सर्वतोपरी प्रयत्न करत आहेत. अशीच एक संस्था म्हणजे बंगळुरुची डॉ. चंद्रम्मा दयानंद सागर इन्स्टिट्यूट ऑफ मेडिकल एज्युकेशन अँण्ड रिसर्च. या संस्थेच्या रुग्णालयातील कोरोना वॉर्डातील रूग्णांसाठी एक वेगळा प्रयोग केला आहे. रुग्णांना घरी कुटुंबासोबत असल्यासारखं वातावरण देण्यासाठी प्रयत्न केले जात आहेत. संक्रमित कोरोना रूग्णाच्या मनातील चिंता आणि भीती कमी करण्यासाठी आणि रुग्णाला दुःख आणि नैराश्याच्या स्थितीतून बाहेर काढण्यासाठी आणि साथीच्या आजाराशी निगडित करण्यासाठी त्यांची प्रतिकारशक्ती प्रणाली बळकट करण्यासाठी सर्व प्रयत्न केले जात आहेत. त्याचाच एक भाग म्हणून रूग्णालयात तपासणी आणि उपचाराशिवाय डॉक्टर स्वत: रूग्णालयात संगीताच्या तालावर इतर कर्मचार्‍यांसह नाचत आहेत. त्यामाध्यमातून ते रुग्णांमध्ये सकारात्मकतेचे वातावरण निर्माण करण्याचा प्रयत्न करीत आहेत. तसेच ते रुग्णांना योगाभ्यासाच्या माध्यमातूनही शारीरिकच नाही तर मनोबलही वाढवण्याचा प्रयत्न करीत आहेत.
दयानंद सागर विद्यापीठाच्या गव्हर्निंग कौन्सिलचे सदस्य रोहन प्रेम सागर म्हणाले, “जगभरातील वैद्यकीय व्यावसायिक या प्राणघातक विषाणूशी लढा देत आहेत. कोरोनाने प्रत्येकावर मानसिक आणि शरीरावर समान प्रभाव पाडला आहे. डॉक्टर, परिचारिका, कर्मचारी आणि रुग्णालयाचे व्यवस्थापन रुग्णांसाठी कौटुंबिक सदृश वातावरण निर्माण करण्यासाठी सर्व काही करीत आहे.संगीत, योगा टिप्सच्या सहाय्याने आम्ही रुग्णांवर कोरोनाचे मानसिक परिणाम कमी करण्याचा प्रयत्न करीत आहोत. ते म्हणाले की हा एक इलाज नसला तरी मानसिक पीडेची पातळी कमी करण्याचा हा प्रयत्न आहे.
Subscribe
