मुक्तपीठ टीम
उस्मानाबाद – रिझर्व्ह बँक ऑफ इंडियाने कारवाईचा बडगा उगारत उस्मानाबादच्या वसंतदादा नागरी सहकारी बँकेचा महाराष्ट्रात बँकिंग व्यवसाय करण्याचा परवाना रद्द केला आहे. रिझर्व्ह बँकेने म्हंटले आहे की, ही बँक आरबीआयने दिलेले निर्देश आणि नियमांचे पालन करण्यात अपयशी ठरली आहे. त्यामुळे ही कारवाई करण्यात आली आहे. ११ जानेवारीला आदेश काढून याच तारखेपासून त्याची अंमलबजावणी करण्याचे सहकार विभागाला निर्देशही देण्यात आले आहे. त्याचबरोबर बँकेवर अवसायक नेमकण्याचे देखील सांगण्यात आले आहे. आरबीआयची ही सहकारी बँकेवर मोठी कारवाई मानली जातीय.
सहकारी आयुक्त आणि सहकारी संस्था निबंधक यांनाही बँकेला वळण लावण्याचे आणि आदेश जारी केले असून बँकेवर लिक्विडेटर नेमण्याची विनंती केली आहे. तसेच बँकेची सध्याची आर्थिक स्थिती पाहता बँक आपल्या सध्याच्या ठेवीदारांना ठेवी देण्यास असमर्थ ठरेल, जनतेच्या हितासाठी आणि बँकेच्या व्यावहाराच्या उल्लंघण करण्याद्वारे त्यांच्या ठेवीदारांच्या हितासाठी हानिकारक मार्गाने रोखणे आवश्यक आहे. त्यामुळे ११ जानेवारी पासून बँकेचे व्यवहार बंद करून बँकिंग परवाना रद्द केल्याचे आदेश जारी केले आहे, असे आरबीआयने सांगितले.
बँकिंगचा परवाना रद्द केल्याने आणि तरलता प्रक्रिया सुरू झाल्यास, डीआयसीजीसी अधिनियम १६१.१ वसंतदादा नागरी सहकारी बँक लि. उस्मानाबाद महाराष्ट्रातील ठेवीदारांना पैसे देण्याची प्रक्रिया सुरू होईल, असे आरबीआयकडून सांगण्यात आले आहे. बँकेतील बहुतांश ठेवीदारांना त्यांच्या ठेवीची संपूर्ण परतफेड डीआयसीजीसीकडून मिळेल, असे देखील त्यात सांगण्यात आले आहे.
वसंतदादा नागरी सहकारी बँकेवर आरबीआयने २०१७ साली पहिली कारवाई केली होती. या कारवाईत नवीन ठेवी स्वीकारण्यास बँकेवर बंदी घातली होती. तसेच बँकेतील हजारो ठेवीदारांना एक हजार रुपये याप्रमाणे ठेवी परत केल्या जात होत्या. तसेच बँकेला प्रत्येक वेळी ६ महिन्याच्या मुदतीवर वसुली करून, बँकेचा कारभार सुधारण्याची संधी दिली होती. मात्र सुधारणा न झाल्याने आरबीआयने सोमवारी ही कारवाई केली आहे.
Subscribe
