रशियन स्पुटनिक लसीचं लाइट व्हर्जन, डोस पुरेसा एकच!

मुक्तपीठ टीम

देशात सध्या कोरोनाचा इजा बिजा तिजा झाला असून कोरोनाच्या तिसऱ्या लाटेचं भाकीतही तज्ज्ञांनी केलं आहे. भविष्यातील हानी टाळण्यासाठी लवकरात लवकर लसीकरण केलं पाहिजे. याच दरम्यान एक सकारात्मक बातमी समोर आली आहे. रशियामधील स्पुटनिकने मोठी घोषणा केली आहे. स्पुटनिक व्ही लाईट व्हर्जनचा एकच डोस कोरोना विषाणूंवर प्रभावी असल्याचा दावा कंपनीने केला आहे. ही लस ८० टक्के प्रभावी आहे. रशियन सरकाने स्पुटनिक व्ही कोरोनाच्या एकाच डोसच्या वापरास मान्यता दिली आहे.

काय आहे कंपनीचे म्हणणे-

स्पुटनिक व्हीने सांगितले की, लसीचा लाईट व्हर्जनमुळे लसीकरणाला वेग येईल.
कोरोना संसर्गाची साखळी तोडण्यात मदत करेल.
लस कोरोनाविरूद्ध ७९.४ टक्के प्रभावी आहे.
विषाणूविरूद्ध लढण्यासाठी अँटीबॉडीज केवळ २८ दिवसात ९१.७ टक्के लोकांमध्ये तयार झाले आहेत.
कंपनीचा दावा आहे की, १०० टक्के लोक ज्यांच्या शरीरात रोग प्रतिकारशक्ती आधीच होती, त्यांनी लस घेतल्यानंतर १० दिवसांत शरीरातील अँटीबॉडीज लेवल ४० पट वाढली.

Introducing a new member of the Sputnik family – a single dose Sputnik Light!

It’s a revolutionary 1-shot COVID-19 vaccine with the 80% efficacy – higher than many 2-shot vaccines.

Sputnik Light will double vaccination rates and help to handle epidemic peaks ✌️ pic.twitter.com/BCybe8yYWU

— Sputnik V (@sputnikvaccine) May 6, 2021

भारतात लस दाखल-

भारत सरकारने रशियाच्या स्पुटनिक व्ही लसीच्या वापरास मान्यता दिली आहे.
रशियन लस स्पुटनिक व्हीची पहिली खेप भारतात पोहोचली आहे.
शनिवारी सायंकाळी चारच्या सुमारास दीड लाख डोसचे रशियन विमान हैदराबादमध्ये दाखल झाले.
यासह, देशाला कोरोनाविरूद्ध तिसरे शस्त्र मिळाले आहे.