मुक्तपीठ टीम
रत्नागिरी जिल्ह्यातील दापोलीमधील एका ९० वर्षाच्या वृध्देवर घरामध्ये एकटी असताना बलात्कार केल्याची धक्कादायक घटना समोर आली. एक महिन्यानंतर पीडित वृध्द महिलेच्या सुनेने दापोली पोलिस ठाण्यात तक्रार दाखल केली आहे. या घटनेमुळे दापोली तालुक्यात संतापाची लाट उसळली आहे.
पीडित वृध्देवर १९ डिसेंबर २०२० रोजी ३३ वर्षीय सोहम भिल या नराधमाने भर दुपारी बलात्कार केला. दुपारी साडेबाराच्या दरम्यान त्या घरामध्ये एकट्या असताना आरोपीने समोरच्या दारातून प्रवेश केला. वृद्ध महिलेचा गळा दाबून तिच्यावर बलात्कार केला. त्याने त्या पीडित वृद्धेला जीवानीशी मारण्याची धमकीही दिली.
दापोली पोलिस सहाय्यक निरीक्षक पूजा हिरेमठ यांनी माध्यमांना दिलेल्या माहितीनुसार, ही वृध्द महिला घरात एकटीच राहत होती. तिचा मुलगा व सून मुंबईला राहतात. या घटनेनंतर तिने हे कोणाला सांगितले नाही कारण तिला भीती होती की तो नराधम तिला जीवानीशी मारेल. काही दिवसांनंतर पीडित वृध्द महिला आजारी पडली होती आणि ती तिच्या दिराच्या घरी गेली होती त्यावेळी तिने ही घटना तिच्या चुलत सुनेला सांगितली.
Subscribe
