व्हायरस वॉर! कोरोनाला हटवण्यासाठी साध्या सर्दीचा विषाणू उपयोगी?

मुक्तपीठ टीम

कोरोनाच्या दुसर्‍या लाटेने देशात हाहाकार माजवला आहे. रोज शेकडोंचे बळी जात असल्याने भीतीची लहरही पसरली आहे. पण ग्लास्गोमध्ये असलेल्या सेंटर फॉर व्हायरस रिसर्चच्या टीमने केलेल्या नव्या संशोधनानुसार एक दिलासा देणारी बातमी समोर आली आहे. संशोधनात सहभागी तज्ज्ञांच्या मते, सर्दीचा विषाणू असलेल्या रायनोविषाणूने शरीरात शिरल्यास कोरोना विषाणूवर मात करण्यास मोठी मदत होईल. अद्याप यावरील संशोधन पूर्ण झालेले नाही. वैज्ञानिक त्यादिशेने प्रयोग करीत आहेत.

कोरोनाविरोधात व्हायरस वॉरचे संशोधन काय सांगते?

सायन्स मॅगझिन जर्नल ऑफ इंफेक्शन डिसिजमध्ये हे नवे संशोधन मांडण्यात आले आहे.
सर्दीचा विषाणू असलेला रायनोविषाणू देखील शरीरात घुसण्यासाठी इतर विषाणूंसारखाच वागतो.
कोणताही विषाणू शरीरात प्रवेश करताना, जागा मिळवण्यासाठी तेथे अन्य विषाणू असतील तर त्यांच्यात संघर्ष होतो.
तज्ज्ञांचे मत आहे की जर रायनो विषाणूने मानवी शरीरात प्रवेश केला तर कोरोना विषाणूचा धोका बर्‍याच प्रमाणात कमी होऊ शकतो.
यानंतर, कोरोना विषाणूचे प्रमाण कमी होईल. आणि औषधांच्या मदतीने त्यावर मात करता येईल.
कोरोना विषाणूला हळूहळू शरीरास शरीराच्या बाहेर काढतील रोयनो विषाणू
ग्लास्गोमध्ये असलेल्या सेंटर फॉर व्हायरस रिसर्चच्या टीमने हे संशोधन केले आहे.
या पथकाने संशोधनाच्या दरम्यान पेशींची एक रचना तयार केली.
ती रचना मानवी श्वसन प्रणालीप्रमाणेच कार्य करणारी ठेवली.
त्या रचनेत एकाच वेळी थंड रायनो विषाणू आणि कोरोना विषाणू सोडण्यात आले.
तज्ज्ञांच्या दाव्यानुसार, रायनो विषाणूंनी त्या पेशीरचनेवर ताबा मिळवला आणि कोरोना विषाणूचा पराभव झाला.
संशोधनानुसार, जर कोरोना संसर्गाच्या पहिल्या २४ तासांत जर रायनोव्हायरस देखील शरीरात शिरला तर कोरोनाचा धोका बर्‍याच प्रमाणात कमी होऊ शकेल.
तज्ज्ञांचा असा दावा आहे की रायनो विषाणू हळूहळू कोरोना विषाणू शरीरातून बाहेर काढू शकेल.