मुक्तपीठ टीम
पुण्यातील गजबजलेल्या ठिकाणापैकी एक असलेल्या कॅम्प परिसरातील फॅशन स्ट्रीट मार्केटमध्ये भीषण आग लागली होती. या अग्नितांडवाला रोखण्यात अग्निशमन दलाच्या जवानांना यश आले. त्यानंतर जे घडले ते सर्वांना हेलावून गेले. आग विझल्यानंतर घरी परतताना पुणे कॅन्टोमेंट बोर्ड अग्निशमन दलाचे प्रमुख प्रकाश हसबे यांच्यावर काळाने घाला घालता आहे.
या आगीच्या तडाख्यात तेथील अनेक कापडांची दुकाने व गोदामे आली होती. तब्बल साडेतीन तास सुरु असलेल्या या अग्नितांडवात तेथील साडेचारशे दुकान जळून खाक झाली आहेत. यावेळी अग्निशमन दलाच्या ५० जवानांसह १६ गाड्या घटनास्थळी दाखल झाल्या होत्या.
फॅशन स्ट्रीट मार्केटला लागलेली आग प्रकाश हसबे यांच्या मार्गदर्शनात आटोक्यात आणण्यात आली. त्यानंतर घरी परतताना हसबे यांना अपघात झाला असून यात त्यांचे निधन झाले आहे.
आग आटोक्यात आल्यानंतर दोन तासात परततो असे सांगून प्रकाश हसबे घरी जाण्यास निघाले होते. यादरम्यान,येरवडा मार्गावरुन जाताना त्यांच्या दुचाकीला अपघात झाला. या अपघातात त्यांचा जागीच मृत्यू झाल्याने हळहळ व्यक्त होत आहे.
Subscribe
