पंतप्रधान किसान योजनेचा नववा हप्ता; पावणे दहा कोटी शेतकऱ्यांना १९,५०० कोटी रुपये!

मुक्तपीठ टीम

पंतप्रधान किसान सन्मान निधी योजनेचा आज सोमवारी नववा हप्ता दिला जाणार आहे. ९ ऑगस्ट सोमवारी दुपारी १२.३० वाजता एका व्हिडीओ कॉन्फरन्सच्या माध्यमातून पंतप्रधान नरेंद्र मोदी देशातील ९.७५ कोटी शेतकरी लाभार्थ्यांच्या खात्यावर १९,५०० कोटी रुपये वर्ग करणार आहेत. आज देशभरात ऑगस्ट क्रांती दिन साजरा करण्यात येत आहे. या कार्यक्रमाच्या निमित्ताने पंतप्रधान नरेंद्र मोदी हे देशभरातील शेतकऱ्यांशी संवाद साधणार असून राष्ट्राला सुद्धा संबोधित करणार आहेत. केंद्रीय कृषीमंत्री नरेंद्र सिंह तोमर हे सुद्धा उपस्थित राहणार आहेत.

पीएम किसान योजनेत आपले नाव पाहण्यासाठी खालील स्टेप्स फॉलो करा

• PM Kisan च्या अधिकृत वेबसाईट वर https://pmkisan.gov.in भेट द्या.
• या अधिकृत वेबसाइटला भेट दिल्यानंतर, होम आपल्यासमोर उघडेल.
• त्यानंतर होम पेजवर Farmers Corner असा ऑप्शन येईल.
• Farmers Corner मध्ये Beneficiaries List या ऑप्शनवर जा.
• त्यानंतर आपले राज्य, जिल्हा, उपजिल्हा आणि ब्लॉक निवडा.
• त्यानंतर लाभार्थ्यांची पूर्ण यादी समोर येईल. त्यामध्ये आपले नाव पाहू शकता.

पीएम किसान योजना काय आहे?

• २०१९पासून केंद्र सरकारने पंतप्रधान किसान सन्मान निधी योजनेची सुरुवात केली.
• या योजनेअंतर्गत दोन हेक्टरपेक्षा कमी शेती असलेल्या लहान आणि सीमांत शेतकऱ्यांना वर्षाला प्रत्येकी दोन हजार रुपयांचे तीन हप्ते देण्यात येतात.
• आतापर्यंत एकूण रक्कमेचा विचार करता १.५ लाख कोटी रुपये शेतकऱ्यांना ८ हप्त्यांच्या माध्यमातून देण्यात आले आहेत.