ब्रेकअपनंतर ८५ वर्षांच्या ‘युवती’चा निर्धार, मज्जा करत जगणार!

मुक्तपीठ टीम

प्रेम म्हणजे प्रेम म्हणजे प्रेम असतं…तुमचं आमचं कसं सेम असतं…कविवर्य मंगेश पाडगावकरांनी असं म्हटलं तेव्हा त्यांना ठाऊक नसावं की प्रेमाचे जरा जास्तच ज्येष्ठ असेही वेगळे नमुने पुढे अनुभवास येणार आहेत. आता अमेरिकेतील ८५ वर्षीय वृद्ध महिलेचेच पाहा. खरंतर आजीबाईच काय पणजी बाई म्हणावं असं वय पण त्यांना डेटिंग साइटवर शोधायचाय एक प्रियकर. तोही त्यांना साजेसा…तरुण असा. कारण त्या स्पष्ट सांगतात…जीवनात काही तरी मज्जा पाहिजे ना यार! मग पाहिजेच मनाजोगते प्यार!! हॅटींचं तत्वज्ञान आपल्या संस्कारांमुळे स्वैराचारी वाटेल, आपल्याला ते पटतही नाही, पण जीवनात हिरमुसले न होता संपूर्णपणे ते जगण्याची त्यांची जिद्द भावणारीच!

वयाच्या ८५व्या वर्षी डेटिंगसाठी जोडीदार शोधणाऱ्या हॅटी रेट्रॉज या त्यांच्यासारख्या त्याच आहेत. त्यांचा नुकताच ३९ वर्षीय प्रियकराशी ब्रेकअप झाला. त्यानंतर आता मग एकाकी वाटू लागलं. त्यापेक्षाही जास्त हॅटींना बोअर होऊ लागलं. त्यामुळे त्या पुन्हा कामाला लागल्या. त्या आता पुन्हा एकदा प्रेमाच्या शोधात आहेत. न्यूयॉर्कमध्ये राहणाऱ्या हॅटी रेट्रॉजना आयुष्यात थोडी नाही तर जरा जास्तच मजा करण्याची इच्छा आहे. त्यामुळे त्यांनी डेटिंग साइटवर खातेही तयार करायचं ठरवलं आहे.

आयुष्यात काही मजा करायची!

• जेव्हा पहिल्यांदाच त्यांचा घटस्फोट झाला तेव्हा हॅटी ४८ वर्षांच्या होत्या.
• तेव्हापासून त्यांनी ठरवलं, फक्त तरुण आणि तरुण पुरुषांनाच डेट करायचं.
• तिनं जराही संकोच न करता डेटिंग वेबसाइटकडे मन उघड केले.
• मी आत्ता कोणालाही डेट करत नाही.
• डेटिंग साइटवर पोस्ट करेन कारण तिथे काही पुरुष मित्रांना भेटले आहेत.
• मी आता पुन्हा डेटिंग करण्यास सुरवात करत आहे.
• कारण त्यामुळे मी मज्जा करु शकेन. पुन्हा एकदा मी आनंदी होऊ शकेन.

हॅटीची हिट एज गॅप लव्ह स्टोरी!

• तिच्या या वयातील तरुण प्रेमामुळे तिला प्रसिद्धीही खूप मिळाली.
• ती २०१८मध्ये तिच्या ३९ वर्षांचा एक्स बॉयफ्रेंड जॉनसोबत चॅनल ५ वरील शो ‘एज गॅप लव्ह’मध्ये दिसली. त्यानंतर तिने जॉनसोबत डेटिंग करणे बंद केले.
• तिने एका वर्तमानपत्रात अशीही जाहिरात केली होती की तिला ३५ वर्षांपेक्षा कमी वयाच्या पुरुषांना डेटिंग करायचे आहे.
• त्यानंतर त्या वयोगटातून अर्जांचा महापूर आला!

हॅटीबाईंचं अति, टिंडरनं रोखलं!

• हॅटी आठवड्यातून तीन वेळा टिंडर डेट्सवर जात असते.
• तिच्यावर टिंडर नियंत्रण आणू पाहते तेव्हा तिने नवीन डेटिंग अॅप्स वापरुन पाहण्यास सुरवात केली.
• १९८४मध्ये ती तिच्या पूर्वीच्या पतीपासून विभक्त झाली, कारण तिला असे वाटत होते की तिचा नवरा आपल्या मुलांच्या शिक्षणाबद्दल गांभीर्य दाखवत नाही.
• दोन नातवंडे असलेली दोघांची आई हॅट्टी पूर्वी नर्तिका होती.
• आता ती लाइफ कोच आणि लेखक म्हणून काम करते.