आता राणांचे आर्थिक व्यवहार लक्ष्य!

मुक्तपीठ टीम

शिवसेना नेते संजय राऊत यांची शोधक पत्रकारिता आता शिवसेना विरोधकांसाठी नव्या समस्या निर्माण करण्याची शक्यता आहे.
शिवसेना नेते संजय राऊत यांनी खासदार नवनीत राणा यांनी अंडरवल्र्डशी संबंधित कुख्यात युसूफ लकडावाला याच्याकडे ८० लाख रुपये कर्ज घेतल्याचा आरोप केला आहे. तसेच हा प्रश्न राष्ट्रीय सुरक्षा आणि आर्थिक अफरातफरीशी संबंधित असल्याने ईडी चौकशी करणार का? असा प्रश्न देखील राऊत यांनी विचारला आहे त्यामुळे आता येणाऱ्या दिवसात राणा दांपत्याच्या आणखी काही आर्थिक व्यवहारांवर तसंच त्यांच्याशी संबंधित मुंबईतील व्यावसायिकांशी असलेले व्यवहार समोर येण्याची शक्यता आहे.

संजय राऊतांनी दिला इशारा….बात अभी बाकी है…

• ‘रात अभी बाकी है…बात अभी बाकी हैं… जय महाराष्ट्र!!!’, असे एक ट्वीटही राऊत यांनी केले असून त्यात भाजपाला टॅग केले आहे. आणि त्याखाली यादी ही टाकली आहे.
• रवी व नवनीत राणा आणि शिवसेनतील वाद गेले काही दिवस सुरू आहे. या पार्श्वभूमीवर राऊत यांनी नवनीत राणा यांच्या निवडणूक शपथपत्रातील कागदपत्रांच्या आधारे हे आरोप केले आहेत. राणा यांनी अंडरवर्ल्डशी संबंधित व्यक्तीकडून कर्ज घेतले असल्याने हा राष्ट्रीय सुरक्षेचा प्रश्न ठरतो. त्यामुळेच या प्रकरणात चौकशी झाली आहे का, याचे उत्तर ईडीने द्यायला हवे, असे राऊत यांनी नमूद केले आहे.

रात अभी बाकी है..
बात अभी बाकी हैं….
जय महाराष्ट्र!!!@BJP4Mumbai@BJP4Maharashtra pic.twitter.com/ue9TKmxg2w

— Sanjay Raut (@rautsanjay61) April 26, 2022

राणांच्या मुंबईतील आर्थिक व्यवहारांवर नजर

• नवनीत राणा या मुळच्या चित्रपटसृष्टीतील आहेत.
• त्यांचे बॉलिवूडमधील काहींशी आर्थिक व्यवहार झाले असणार.
• त्यांचे पती आमदार रवी राणा हे योग गुरु रामदेव बाबा यांचे निकटवर्तीय मानले जातात.
• रवी राणा हे मुंबईतील काही बड्या व्यावसायिकांच्याही जवळचे मानले जातात.
• त्यामुळे आता त्यांच्या व्यवहाराचीही माहिती मिळवली जाण्याची शक्यता आहे.
• तसेच राणांशी संबंधित प्रकल्पांचीही माहिती उघड होऊ शकते.