मुक्तपीठ टीम
बेस्ट समितीचे अध्यक्ष आशिष चेंबूरकर यांनी दिलेली माहिती ही मुंबईकरांसाठी चांगली बातमी आहे. लवकरच मुंबईत २०० डबल डेकर बस येणार आहेत. त्यापैकी शंभर बसच्या निविदा आधीच काढण्यात आल्या आहेत. डबल डेकर बस मुंबईसाठी नेहमीच एक वेगळी ओळख मिळवून देणारी आहे. या बस वैशिष्ट्यपूर्ण आणि अनेक वर्षांपासून मुंबईचा गौरव वाढवणाऱ्या आहेत. या बसची संख्या घसरून ५१ वर आली आहे. ती चौपट वाढवण्याचा निर्णय बेस्टने घेतल्याचा माहिती आशिष चेंबूरकर यांनी दिली आहे.
चेंबूरकर हे शिवसेनेचे नगरसेवक आणि पाचव्यांदा बेस्ट पॅनेलचे प्रमुख आहेत. यापूर्वी त्यांनी २००२ ते ०३, २००४-०५ आणि २०१८ मध्ये हे पद मिळाले होते. आता त्यांनी पद हाती घेतल्यानंतर सर्वप्रथम बेस्टचे जुने वैभव प्राप्त करून देण्यासाठी प्रयत्न सुरु करण्याचा निश्चय केला आहे. त्याचाच एक भाग म्हणून बेस्ट उपक्रमाची शान असणाऱ्या डबलडेकर बस पुन्हा वाढवण्याचा निर्णय घेण्यात आला आहे.
पाहा व्हिडीओ:
Subscribe
