जीवघेणी प्लास्टिक सर्जरी! अवघ्या २१ वर्षांच्या अभिनेत्रीचा शस्त्रक्रियेदरम्यान मृत्यू!!

मुक्तपीठ टीम

कन्नड सिनेसृष्टीतील प्रसिद्ध अभिनेत्री चेतना राजचं निधन झालं आहे. चेतनाचा बंगळुरू येथील एका खासगी रुग्णालयात मृत्यू झाला आहे. खरंतर, काही दिवसांपूर्वी चेतनानं वजन कमी करण्याची प्लॅस्टिक सर्जरी केली होती. मात्र, शस्त्रक्रियेनंतर तिची प्रकृती ढासळू लागली आणि त्यानंतर तिचा मृत्यू झाला. अभिनेत्रीचे पालक तिच्या मृत्यूसाठी डॉक्टरांना जबाबदार धरत आहेत.

चेतना राज फक्त २१ वर्षांची होती आणि ती तिच्या आई-वडिलांना न सांगता तिच्या मित्रांसोबत शस्त्रक्रियेसाठी हॉस्पिटलमध्ये गेली होती.
ऑपरेशननंतर चेतनाच्या फुफ्फुसात पाणी जमा होऊ लागले.डॉक्टरांनी तिला वाचवण्याचा खूप प्रयत्न केला पण तो अयशस्वी ठरला.
त्यातचं अभिनेत्रीचा मृत्यू झाला. चेतनाच्या निधनाची बातमी ऐकताच तिच्या कुटुंबीयांना आणि चाहत्यांना मोठा धक्का बसला आहे.

चेतना राजच्या वडिलांचा डॉक्टरांवर आरोप

• अभिनेत्रीच्या पालकांनी डॉक्टरांवर निष्काळजीपणाचा आरोप करत तक्रार दाखल केली.
• बंगळुरूमधील सुब्रमण्यनगर पोलीस ठाण्यात एफआयआर दाखल करण्यात आला आहे.
• अभिनेत्रीने अनेक मालिकांमध्ये काम केले आहे.
• तिने गीता, दोरासनी यांसारख्या मालिकांमध्ये काम केले.
• अभिनेत्रीने एका चित्रपटातही काम केले आहे, जो अद्याप प्रदर्शित झालेला नाही.