मुक्तपीठ टीम
सोशल मेसेंजर प्लॅटफॉर्म व्हॉट्सअॅपने भारतात १५ मेपासून लागू करण्यात आलेली नवीन प्रायव्हसी पॉलिसी आता पुढे ढकलली आहे. कंपनीने प्रायव्हसी पॉलिसीच्या अंमलबजावणीसाठी नवीन तारखांची घोषणा केली नाही. कंपनीने म्हटले आहे की, ज्यांनी ही नवीन प्रायव्हसी पॉलिसी स्वीकारली नाही त्यांचे कोणचेही अकाउंट डिलीट केले जाणार नाही.
व्हॉट्सअ‍ॅपची नवीन प्रायव्हसी पॉलिसी काय आहे?
व्हॉट्सअॅप वापरकर्ते जे कन्टेंट अपलोड, सबमिट, स्टोर, पाठवतात किंवा प्राप्त करतात, कंपनी त्याचा वापर कुठेही वापरु शकते. कंपनी हा डेटा शेअरही करू शकते. यापूर्वी असा दावा केला जात होता की, वापरकर्त्याने ही प्रायव्हसी पॉलिसी मान्य केली नाही तर ते आपले अकाउंट डिलीट करतील. तसेच, नंतर कंपनीने हे पर्यायी म्हणून वर्णन केले. व्हॉट्सअॅपने निवेदनात म्हटले आहे की, नवीन प्रायव्हसी पॉलिसी स्वीकारण्यासाठी वापरकर्त्यांना रिमाइंडर पाठवत राहतील. ही प्रक्रिया पुढील काही आठवडे सुरू राहील. यापूर्वी ही नवीन प्रायव्हसी पॉलिसी ८ फेब्रुवारीपासून अंमलात येणार होती. पण वाद वाढल्यानंतर त्याची १५ मे ही तारीख ठरवण्यात आली होती.
व्हॉट्सअॅपच्या नवीन प्रायव्हसी पॉलिसीबाबत केंद्र सरकारने आक्षेप व्यक्त केले आहे. इलेक्ट्रॉनिक्स आणि माहिती तंत्रज्ञान मंत्रालयाने व्हॉट्सअ‍ॅपचे मुख्य कार्यकारी अधिकारी विल कॅथकार्ट यांना एक पत्र लिहून असे म्हटले आहे की, “जागतिक स्तरावर व्हॉट्सअ‍ॅपचा सर्वात मोठा वापरकर्ता आधार आहे. तसेच व्हॉट्स अॅप सेवांसाठी भारत सर्वात मोठा बाजार आहे. व्हॉट्सअॅपच्या सेवा अटी आणि प्रायव्हसी पॉलिसी प्रस्तावित केलेल्या बदलामुळे भारतीय नागरिकांच्या निवडी आणि स्वायत्ततेबाबत गंभीर चिंता निर्माण झाली आहे. मंत्रालयाने पॉलिसीमध्ये केलेले बदल मागे घेण्यास सांगितले आहे.”
व्हॉट्सअॅपच्या नवीन प्रायव्हसी पॉलिसीविरोधात जनहित याचिकेवर दिल्ली उच्च न्यायालयानेही केंद्र सरकारसमवेत फेसबुक आणि व्हॉट्सअ‍ॅपवर प्रतिक्रिया मागितली आहे. फेसबुक ही व्हॉट्सअ‍ॅपची मूळ कंपनी आहे. सरन्यायाधीश डी.एन. पटेल आणि न्यायमूर्ती जसमीत सिंह यांच्या खंडपीठाची सुनावणी आहे. कोर्टाने त्यांना या याचिकेवर आपला खटला १३ मेपर्यंत सादर करण्यास सांगितले आहे.
संसदीय समितीनेही नवीन प्रायव्हसी पॉलिसीसाठी यावर्षी जानेवारीत फेसबुक आणि व्हॉट्सअॅपच्या अधिकाऱ्यांना बोलावले आहे. फेसबुकच्या अधिकऱ्यांनी संसदीय समितीला आश्वासन दिले, की त्यांच्या सहाय्यक व्हॉट्सअ‍ॅपचा वैयक्तिक डेटा शेअर केला जाणार नाही. यात व्यक्तींमधील संभाषणे आणि संदेशांचा समावेश आहे. व्हॉट्सअ‍ॅपवर वापरकर्त्यांमधील संदेशांची देवाणघेवाण पूर्णपणे एनक्रिप्टेड असल्याचे सोशल मीडिया कंपनीने म्हटले आहे.
Subscribe
