रोहिणी ठोंबरे / मुक्तपीठ टीम
विलेपार्लेतील साठ्ये महाविद्यालयाचा माध्यम महोत्सव जोमात आणि जल्लोषात पार पडला. कोरोना काळानंतर २ वर्षाने तरूणाईचा उत्साह अगदी उफाळला होता. विशेष म्हणजे माध्यम महोत्सवात सृजनशीलतेला बहर आल्याचं दिसलं. कॉलेजमधील तरुणाईनं महोत्सवाची थीम असणारा माध्यमांचा इतिहास मांडला. हा इतिहास, तरुणाईचं कला सादरीकरण यासोबत ग्लॅमरची साथ असल्यानं माध्यम महोत्सव मस्त साजरा झाला.
माध्यमांची ७५ वर्षे!
काही दिवसांपूर्वी या महोत्सवासाठी थिम ठरवण्यात आली. ही थिम होती स्वातंत्र्यानंतरची माध्यमांची ७५ वर्षे. ती ठरल्यानंतर त्याची सगळी तयारी सुरू झाली. विद्यार्थ्यांनी वेगवेगळे गट पाडत महोत्सवाची कामे विभागून घेतली. गट वेगवेगळे होते, परंतु, विद्यार्थ्यांची एकीही तितकीच पक्की होती.
माध्यमांचा इतिहास मांडण्यासाठी विद्यार्थ्यांनी रात्र की दिवस ते पाहिलं नाही आणि अफाट मेहनत घेतली. याचा परिणाम या दोन दिवसाच्या उत्सवात सर्वांना दिसलाच.
विद्यार्थ्यांना प्राध्यापकांची साथ…
हे सर्व होण्यासाठी साठ्ये महाविद्यालयाचेही तितकेच मोठे श्रेय आहे. माध्यम महोत्सव हा गेल्या १० वर्षे साजरा केला जात आहे. आजी-माजी विद्यार्थी येथे आवर्जून उपस्थित राहतात. माध्यम विभागाचे प्रमुख गजेंद्र देवडा हे मुलांना विशेष सहकार्य आणि मार्गदर्शन करतात. दोन वर्षानंतर विद्यार्थी एकमेकांना भेटले माध्यम महोत्सव होणार आहे ही बातमी ऐकून उत्साहीत झाले.
माध्यमांचा इतिहासासोबत चहा, कॉफी आणि चिल…
ध्यमांची ७५ वर्षे या संकल्पनेत विद्यार्थ्यांनी प्रदर्शने, स्पर्धा आयोजित केल्या. प्रदर्शनांमध्ये वेगवेगळी माहिती, माध्यमांचा इतिहास, जुने चित्रपट आणि जुन्या मालिकांची माहिती यासह स्टॉल्स मांडले होते. स्टॉल्समध्ये मामाचा चहा, कॉफी आणि चिल हे या उत्सवाचे आकर्षण होते.
महोत्सवात ग्लॅमरही अवतरलं…
माध्यम महोत्सवासाठी दरवर्षीप्रमाणे यंदाही ग्लॅमरची साथ दिसली. नामवंत अभिनेते चिन्मय मांडलेकर यांचा लवकरच शेरशिवराज हा चित्रपट प्रदर्शित होणार आहे. चिन्मय आणि शेरशिवराज चित्रपटाचे दिग्दर्शक यांनी माध्यम महोत्सवाच्या पहिल्या दिवशी प्रमुख उपस्थिती दर्शवली. त्यांनी मुलांचे कार्यक्रमानिमित्त खूप कौतुक केले. तर, दुसऱ्यादिवशी अभिनेत्री आदिती सारंगधर हीने प्रमुख उपस्थिती दर्शवली. तिनेही मुलांचे कौतुक केले. शिक्षकांसह गप्पा मारत स्पर्धांचा आनंद लूटत धम्माल केली. त्याचदिवशी दुपारी गायक मंगेश बोरगावकर आणि अभिनेता आशूतोष कुलकर्णी या दोघांनीही एकत्र हजेरी लावली. विद्यार्थ्यांच्या आणि या सर्वांच्या उपस्थितीत हा माध्यमांचा उत्सव अर्थात माध्यम महोत्सव जबरदस्त पार पडला.
Subscribe
