मुक्तपीठ टीम
ट्विटरचे नवीन मालक एलॉन मस्क यांनी, मागील काही दिवसांमध्ये ट्विटरमध्ये अनेक बदल केले. मायक्रोब्लॉगिंग साइट ताब्यात घेतल्यानंतर, ट्विटरने पक्षपाती पद्धतीने कसे काम केले हे स्पष्ट करण्यासाठी मागील काही दिवसांत अनेक ट्विट केले गेले. या कामात मॅट टायबी आणि बारी वेस या स्वतंत्र पत्रकारांनीही बरीच माहिती शेअर केली. त्याला ‘ट्विटर फाइल्स’ असे नाव देण्यात आले.
ट्विटरच्या कार्यपद्धतीबद्दल या ट्विटमध्ये अनेक महत्त्वाची माहिती उघड करण्यात आली आणि एलॉन मस्क यांनी त्यांना ‘ट्विटर फाइल्स’ असे नाव दिले. यामध्ये सर्वात महत्त्वाची बाब समोर आली की, ट्विटर कर्मचाऱ्यांची टीम ब्लॅक लिस्ट तयार करत असे. जे ट्विट्स त्यांना आवडत नाही त्याला ते ट्रेंड करण्यापासून रोखतात. विशेष बाब म्हणजे ही सर्व कामे यूजर्सना न कळवता गोपनीय पद्धतीने करण्यात आली. कंपनी याला ‘व्हिजिबिलिटी फिल्टरिंग’ म्हणत असे.
‘ट्विटर फाइल्स’मध्ये काय सापडले?
- २ डिसेंबर रोजी ‘ट्विटर फायली’ रिलीझ करताना, ट्विटरच्या नवीन मालकाने सांगितले की, कंपनीने २०२०च्या अमेरिकन अध्यक्षीय निवडणुकीदरम्यान ‘टीम जो बायडेन’ च्या विनंतीला प्रतिसाद दिला.
- मस्क यांनी स्वतंत्र पत्रकार आणि लेखक मॅट टायबी यांच्या अकाउंटची एक लिंक ट्विट केली, ज्यांनी हंटर बायडेनच्या लॅपटॉपच्या स्टोरीला सेन्सॉर करण्याच्या निर्णयाचे कंटेंट असणार्या ट्वीट्सचे थ्रेड पोस्ट केले.
- हा मजकूर सेन्सॉर करण्याचा निर्णय ट्विटरच्या उच्च अधिकाऱ्यांनी घेतला असल्याचा दावा मॅटबीने केला आहे.
- कंपनीच्या माजी विधी विभागप्रमुख विजया गडदे यांचाही यात मोठा वाटा होता.
‘ट्विटर फाइल्स २.०’मध्ये सांगण्यात आले की, ट्विटरचे अधिकारी मुख्य प्रवाहातील आणि उजव्या विचारसरणीशी संबंधित लोकांचे ट्विटर अकाउंट आणि ट्विट सेन्सॉर करायचे. हे सर्व उपक्रम सर्व नियमांच्या पलीकडे जात होते. ‘ट्विटर फाइल्स ३.०’ मध्ये, अमेरिकन तपास संस्था एफबीआय आणि जो बिडेन यांच्या डेमोक्रॅटिक पक्षाच्या वरिष्ठ नेत्यांच्या आदेशानुसार, ट्विटर अधिकार्‍यांनी नियम लक्षात घेऊन डोनाल्ड ट्रम्प यांचे ट्विटर हँडल कसे निलंबित केले हे सांगितले होते.
ट्विटरच्या आधीच्या व्यवस्थापनाने राजकीय विचारसरणीच्या आधारावर लोकांना कसे सेन्सॉर केले, यावरील ‘ट्विटर फाइल्स ४.०’ या एक्स्पोजचा चौथा भागही प्रसिद्ध झाला. १० डिसेंबर रोजी, ट्विटरच्या शीर्ष अधिकाऱ्यांमधील गोपनीय आणि विशेषाधिकारप्राप्त अंतर्गत संभाषणांच्या मालिकेतील चौथे लेखक मायकेल शेलेनबर्गर यांनी ट्विटरवरील थ्रेडद्वारे प्रसिद्ध केले. यामध्ये त्यांनी सांगितले की, अमेरिकन कॅपिटल हिल दंगलीनंतर ट्विटर ट्रस्ट आणि सेफ्टीचे माजी ग्लोबल हेड योएल रॉथ यांनी अमेरिकेचे माजी राष्ट्राध्यक्ष डोनाल्ड ट्रम्प यांना सेन्सॉर करण्याचा निर्णय घेतला होता. याशिवाय, ट्विटरच्या इतर कनिष्ठ कर्मचाऱ्यांच्या सूचनांकडे पूर्णपणे दुर्लक्ष करून रॉथने ट्विटरचे नियम बदलले असल्याचेही सांगण्यात आले.
Subscribe
