लसीकरण वय कमी करा! उद्धव ठाकरे, महिंद्रापासून सोनालीपर्यंत सर्वांचीच मागणी

मुक्तपीठ टीम

राज्यात कोरोनाचा प्रादुर्भाव वाढत आहे. तो लक्षात घेत २५ वर्षांपुढील श्रमिक, तरुण वर्गाला कोरोना प्रतिबंधात्मक लस द्यावी अशी विनंती मुख्यमंत्री उद्धव ठाकरे यांनी पंतप्रधान नरेंद्र मोदी यांना केली आहे. उद्धव ठाकरेंच्या या मागणीला थेट समर्थन करणारे ट्विट उद्योगपती आनंद महिंद्रा यांनी केले आहे. तर मराठमोळी अप्सरा अभिनेत्री सोनाली कुलकर्णीनेही याच विषयावर इंस्टाग्रामवर पोस्ट करत सरसकट सर्वांसाठी लसीकरणाची मागणी केली आहे.

तरूण वर्ग मोठ्यासंख्येने कामासाठी घराबाहेर पडत असतो, जर त्यांचे लसीकरण झाले तर रूग्ण संख्या कमी होण्यास मदत होईल, त्यामुळे २५ वर्षांपुढील सर्वांना कोरोना प्रतिबंधात्मक लस द्यावी अशी विनंती मुख्यमंत्री उद्धव ठाकरे यांनी पंतप्रधान नरेंद्र मोदी यांच्याकडे पत्राद्वारे केली आहे. याशिवाय लसींचा पुरवठा देखील वाढण्याची मागणी केली आहे. दरम्यान आनंद महिंद्रा यांनी ट्विट करत उद्धव ठाकरेंच्या मागणीला पाठिंबा दर्शवला आहे.

आनंद महिंद्रांनी मानले मुख्यमंत्री उद्धव ठाकरेंचे आभार
लॉकडाऊन लागू न केल्याबद्दल आभार मुख्यमंत्री कार्यालय…सतत संघर्ष करणाऱ्या छोट्या दुकानदारांसाठी मला वाईट वाटत राहतं. आता या करोनासंबंधित नियमांचं पालन करणं आपलं कर्तव्य आहे जेणेकरुन ही बंधनं लवकरात लवकर किंवा त्यानंतर मागे घेतली जातील.

Thank you @CMOMaharashtra for not imposing a total lockdown. My heart goes out to shop owners who face continuing hardship. It’s now our responsibility to strictly follow Covid protocols so that these restrictions can be lifted sooner rather than later https://t.co/aphiwobiRy

— anand mahindra (@anandmahindra) April 5, 2021

अभिनेत्रीने सोनाली कुलकर्णीनेही केली सरसकट सगळ्यांसाठी लसीकरणाची मागणी

मुख्यमंत्र्या या पाऊलाचे समर्थन आपल्या मराठमोळ्या अभिनेत्रीने सोनाली कुलकर्णीने सुद्धा केले आहे. तिने इन्स्टाग्राम अकाऊंटवर तिच्या आई वडिलांचा लसीकरण केंद्रावरील फोटो शेअर करत लस घेतल्याचं सांगितलं आहे. तसचं तिने पोस्ट खाली लिहिले आहे की, “माझ्या आई बाबांचं लसीकरण झालंय..लॉकडाउन होईल किंवा होणारही नाही, ते आपल्या हातात नाही. पण आपली सुरक्षितता ही केवळ आपली जबाबदारी आहे. काळजी घेऊयात, आपली आणि आपल्या कुटुंबाची ” असं म्हणत तिने सर्वांना काळजी घेण्यास सांगितलं आहे.

 

View this post on Instagram

 

A post shared by Sonalee Kulkarni (@sonalee18588)

सोनालीने पुढे लिहिले आहे की, “P.S. आता लसीकरण सरसकट सगळ्यांसाठी सुरू व्हायला हवं हीच विनंती.”