गौरव पाटील / पालघर
राज्य परिवहन मंडळाच्या भुसावळ-बोईसर मार्गावरील एसटी बसचा पालघरच्या वाघोबा खिंडीत भीषण अपघात झाला आहे. या अपघातामध्ये किमान १५ प्रवासी जखमी झाले आहेत. सर्व जखमींना पालघरच्या शासकीय रुग्णालयात दाखल करण्यात आले आहे. दरम्यान बस चालक दारु पिऊन बस चालवत असल्याचा आरोप काही प्रवाशांनी केला आहे.
मद्यपान केलेल्या बस चालकामुळे बसचा अपघात!
रातराणी बस सेवेअंतर्गत चालवल्या जाणाऱ्या या बसचा चालक नाशिक येथे बदलण्यात आला. या नव्या चालकाने मद्यपान केल्याचे प्रवाशांचे म्हणणे असून भरधाव गाडी चालवणाच्या नादात पालघरच्या आधी वाघोबा खिंडीत बस सकाळी सहाच्या सुमारास दरीमध्ये उलटली.
चालक मद्यधुंद असल्याचा प्रवाशांचा आरोप
आम्ही कंडक्टरला सांगत होतो की चालक मद्यधुंद अवस्थेत आहे. त्याच्या हातामध्ये गाडीचं स्टेअरिंग देऊ नये. तरी कंडक्टरने आमचं न ऐकता चालकाची पाठराखण केली. मात्र चालक फार भयंकर पद्धतीने अगदी वेगात गाडी चालवत होता. त्यामुळेच हा अपघात झाला, असा आरोप या अपघातात जखमी झालेल्या प्रवाशांनी केला आहे.
Subscribe
