मुक्तपीठ टीम
उद्योगपती मुकेश अंबानी यांच्या घराबाहेर स्फोटकांनी भरलेली गाडी ठेवल्याच्या प्रकरणात सचिन वाझेंच्या एनआयए कोठडीत ९ एप्रिलपर्यंत वाढ करण्यात आली आहे. यावेळी कोर्टाने सीबीआयला सचिन वाझे यांची चौकशी करण्यासाठी परवानगी दिली. चौकशी करण्यासाठी वेळ एनआयएसोबत बोलून ठरवावी असे निर्देश कोर्टाने दिले आहेत.
दरम्यान मनसुख हिरेन मृत्यू प्रकरणात अटक करण्यात आलेले निलंबित पोलीस कॉन्स्टेबल विनायक शिंदे आणि बुकी नरेश धरे यांना चौदा दिवसाची न्यायालयीन कोठडी सुनावण्यात आली आहे. या दोघांना २१ एप्रिलपर्यंत न्यायालयीन कोठडीत ठेवण्याचे एनआयए कोर्टाचे निर्देश दिले आहेत.
आज अँटालिया स्फोटकं आणि मनसुख हिरण हत्याकांड प्रकरणात सचिन वाझेंसह विनायक शिंदे आणि नरेश धरे यांना कोर्टात हजर केलं. विनायक शिंदे आणि नरेश धरेसाठी एनआयएनं न्यायालयीन कोठडी मागितली. विनायक शिंदे आणि नरेश धरेची चौकशी पूर्ण झाली असून आणखी कोठडीची गरज नसल्याचं एनआयएनं कोर्टात सांगितलं.
Subscribe
