पंतप्रधान नरेंद्र मोदींनी घेतला कोरोना लसीचा दुसरा डोस

मुक्तपीठ टीम

पंतप्रधान नरेंद्र मोदी यांनी गुरुवारी सकाळी कोरोना लसीचा दुसरा डोस घेतला आहे. पंतप्रधानांना लस देण्याची संधी यावेळी पंजाबशी संबंधित नर्स निशा शर्माला मिळाली. दरम्यान, पंतप्रधानांना कोरोना लसीचा पहिला डोस देणारी पुड्डुचेरीची नर्स पी. निवेदा आजही या प्रसंगी उपस्थित होती. कोरोना लसीकरण मोहिमेचा तिसरा टप्पा देशात सुरू झाला त्यादिवशी मोदींनी १ मार्च रोजी कोव्हॅक्सिनचा पहिला डोस घेतला होता.

Got my second dose of the COVID-19 vaccine at AIIMS today.

Vaccination is among the few ways we have, to defeat the virus.

If you are eligible for the vaccine, get your shot soon. Register on https://t.co/hXdLpmaYSP. pic.twitter.com/XZzv6ULdan

— Narendra Modi (@narendramodi) April 8, 2021

नर्स म्हणाली- पंतप्रधानांना भेटण्याचा एक स्मरणीय क्षण

पंतप्रधान नरेंद्र मोदींना लसीचा दुसरा डोस देणारी एम्सची नर्स निशा शर्मा हीने पंतप्रधान मोदींना भेटल्याबद्दल आनंद व्यक्त केला. ‘आम्ही आज पंतप्रधान नरेंद्र मोदींना करोना लसीचा दुसरा डोस दिला. त्यांच्याशी संवाद साधला. हा एक संस्मरणीय क्षण होता, कारण मला त्यांना भेटण्याचा आणि लस देण्याची संधी मिळाली. नंतर एक फोटोही काढला, असे निशाने माध्यामांशी बोलताना सांगितले.

निशा शर्मा पंजाबची आहे.
गेल्या एक वर्षापासून ती एम्समध्ये नर्सिंग ऑफिसर म्हणून काम करत होती. तिची ड्युटी सध्या लसीकरण मोहिमेत करण्यात आली आहे.

पंतप्रधानांना पहिली डोस देणारी नर्सही उपस्थित होती

पंतप्रधानांना पहिला डोस पुड्डुचेरीची नर्स पी निवेदा यांनी दिली होती, तर केरळची नर्स रोसमम्मा अनिलही तिच्याबरोबर होती. “मी पंतप्रधान नरेंद्र मोदींना कोव्हॅक्सिनचा पहिला डोस दिला होता. आज पुन्हा एकदा मला त्यांना भेटण्याची संधी मिळाली. मी खूप खूश आहे. ते आमच्याशी बोलले आणि आम्ही त्यांच्यासोबत फोटोही काढले’ असं पी निवेदा यांनी म्हटलं.