घरात थिएटरचा अनुभव देणारा सँमसंगचा छोटा प्रोजेक्टर! हवा तिथे घेऊन जा!!

मुक्तपीठ टीम

कंझ्युमर इलेक्ट्रॉनिक्स ब्रँड सॅमसंगने एक नवीन प्रोजेक्टर, स्मार्ट स्पीकर आणि एम्बिएंट लाइटिंग डिव्हाइस हे सर्व एकत्रितपणे, पोर्टेबल डिव्हाइस-द फ्रीस्टाइल म्हणून लाँच करण्याची घोषणा केली आहे. हा प्रोजेक्टर प्रवासाची आवड असलेल्या लोकांसाठी हा एक उत्तम मनोरंजनाचा पर्याय ठरेल. द फ्रीस्टाइल १०० इंचपर्यंत स्क्रीन आकारावर व्हिडीओ प्रोजेक्ट करू शकते. विशेष म्हणजे, याच्या पोर्टेबल साईजमुळे याला कोणत्याही ठिकाणी कधीही नेता येईल. प्रोजेक्टर कुठेही नेणे सहसा थोडे कठीण असते, परंतु फ्रीस्टाइलसह, ही समस्या नाही.

फ्रीस्टाइल, जो अल्ट्रा-पोर्टेबल प्रोजेक्टर आहे, सॅमसंगच्या अधिकृत ऑनलाइन स्टोअर सॅमसंग शॉप आणि अॅमेझॉनवर ८४ हजार ९९० रुपयांच्या विशेष किंमतीत उपलब्ध असेल. ग्राहक ५ हजार रुपयांपर्यंतचा झटपट कॅशबॅक देखील घेऊ शकतात. फ्रीस्टाइल प्रोजेक्टर खरेदी करणाऱ्या ग्राहकांना ५ हजार ९०० रुपयांची फ्रीस्टाइल कॅरी केस मोफत मिळेल. फ्रीस्टाइलचे प्री-रिझर्व्ह करणारे ग्राहक ४ हजार पर्यंत सूट घेऊ शकतात.

फ्रीस्टाइल प्रोजेक्टरमुळे हाय क्लॉलिटीचे व्हिडीओ पाहता येतात. फ्रीस्टाइल उत्तम दर्जाच्या प्रतिमा वितरीत करण्यासाठी ऑटो कीस्टोन, ऑटो लेव्हलिंग आणि ऑटो फोकस फिचर्ससह येते. ऑटो कीस्टोनच्या मदतीने, डिव्हाइस कोणत्याही सपाट पृष्ठभागावरील कोणत्याही भागातून त्याची स्क्रीन स्वयंचलितपणे समायोजित करते. ऑटोफोकस फ्रीस्टाइलला क्लियर व्हिज्युअल देण्‍यासाठी १०० इंचापर्यंत स्‍क्रीन आकारावर आपोआप लक्ष केंद्रित करण्‍यास मदत करते, तर ऑटो लेव्हलिंग फिचर्स हे सुनिश्चित करते की स्‍क्रीन कोणत्याही पृष्ठभागावर दिसणार नाही.

सॅमसंग इंडियाचे कंझ्युमर इलेक्ट्रॉनिक्स बिझनेचे वरिष्ठ उपाध्यक्ष, मोहनदीप सिंह म्हणाले, “द लाइफस्टाइलसह, आम्ही यूजर्सना एक चांगला एक्सपिरियन्स देण्याचे उद्दिष्ट ठेवतो. जो अंतराळाच्या सीमा ओलांडून, केव्हाही, कोठेही विविध प्राधान्ये आणि जीवनशैली आवश्यकता पूर्ण करू शकतो. फ्रीस्टाइल हा एक अल्ट्रा-पोर्टेबल प्रोजेक्टर आहे जो कंटेंट पाहण्यासाठी किंवा एम्बिएंट लाइटिंग व्यवस्था, गेमिंग, म्यूझिक आणि मनोरंजनासाठी अमर्यादित शक्यता प्रदान करतो, मग ते घरामध्ये असो किंवा बाहेर. फ्रीस्टाइल डिव्हाइसेस आमच्या ग्राहकांसाठी मनोरंजनाची संपूर्ण नवीन पातळी आणेल.”