राज्य महिला आयोगाच्या अध्यक्षपदी राष्ट्रवादी काँग्रेसच्या रुपाली चाकणकर!

मुक्तपीठ टीम

गेल्या दीड ते दोन वर्षांपासून रिक्त असलेल्या राज्य महिला आयोगाच्या अध्यक्षपदाकडे कोणाची नियुक्ती होणार याकडे सगळ्यांचं लक्ष होतं. मात्र अखेर राष्ट्रवादी प्रदेशाध्यक्ष रुपाली चाकणकर यांची या पदासाठी नियुक्ती करण्यात आली आहे. यापूर्वी विजया रहाटकर या महिला आयोगाचे अध्यक्ष होत्या. राज्यातील वाढत्या महिला अत्याचाराच्या घटना पहाता हे पद रिक्त गेली दीड वर्ष रिक्त ठेवल्याने विरोधकांकडून महाविकास आघाडी सरकारवर टीका केली जात आहे. या पार्श्वभूमीवर हा निर्णय घेण्यात आला आहे.

राष्ट्रवादीचा आक्रमक चेहरा

• रुपाली चाकणकर यांच्याकडे सध्या राष्ट्रवादी महिला काँग्रेसच्या प्रदेशाध्यक्ष पदाची जबाबदारी देण्यात आली होती.
• रुपाली चाकणकर सोशल मीडियावर सतत सक्रिय असतात.
• त्या महिला अत्याचार प्रकरणावर नेहमी भाष्य करत असतात.
• अवघ्या दीड ते दोन वर्षाच्या कालावधीत राष्ट्रवादी काँग्रेसमधील हुकमी एक्का म्हणून या चेहऱ्याकडे पाहिलं जात आहे.
• रस्त्यावरची आंदोलनात त्या आक्रमक भूमिका पार पाडतात.
• रुपाली चाकणकर यांची ओळख महिला प्रश्नावर लढणाऱ्या आणि पक्षाची बाजू खंबीरपणे मांडत विरोधकांना सडेतोड उत्तर देणाऱ्या नेत्या म्हणून आहे.
• विषयांची मुद्देसूद मांडणी, सडेतोड उत्तर, करारीपणा, कधी कोट्या करुन विरोधकांना नामोहरम करणं यासाठी रुपाली चाकणकर ओळखल्या जाऊ लागल्या आहेत.

नगरसेविका ते प्रदेशाध्यक्ष

• दौंडमधील शेतकरी कुटुंबात चाकणकर यांचा जन्म झाला.
• रतत शिक्षण संस्थेतील साधना महाविद्यालयात त्यांनी शिक्षण घेतलं.
• पुढे त्यांनी अधिकारी होण्यासाठी स्पर्धा परीक्षांचाही अभ्यास केला.
• लग्नानंतर सासरच्या चाकणकर कुटुंबाला राजकीय पार्श्वभूमी असल्यामुळे रुपाली चाकणकर यांचाही राजकारणात प्रवेश झाला.
• नगरसेविका ते प्रदेशाध्यक्ष असा त्यांचा प्रवास आहे.
• राष्ट्रवादीच्या महिला प्रदेशाध्यक्षपदाची महत्त्वाची जबाबदारी त्यांनी उत्तमरित्या पेललीय.
• संपूर्ण महाराष्ट्रात फिरुन राष्ट्रवादीचं महिला संघटन मजबूत करण्यावर त्यांचा भर राहिला आहे.
• आता राज्य महिला आयोगाच्या अध्यक्षपदाची ही मोठी जबाबदारी रुपाली चाकणकर यांच्यावर आहे.