भारत इलेक्ट्रॉनिक्समध्ये भरती, २१ मे पर्यंत करा अर्ज

मुक्तपीठ टीम

भारत सरकारच्या संरक्षण मंत्रालयांतर्गत भारत इलेक्ट्रॉनिक्स लिमिटेड म्हणजेच बीईएल या नवरत्न कंपनीने बंगळुरू मिलिटरी कम्युनिकेशन एसबीयू अभियंता पदासाठी जाहिरात काढली आहे. प्रशिक्षणार्थी अभियंता -१च्या एकूण ३० पदांवर कंत्राटी भरतीसाठी पात्र उमेदवारांकडून अर्ज मागविण्यात आले आहेत. इच्छुक उमेदवार २१ मे २०२१ पर्यंत ऑनलाईन अर्ज करू शकतात. या रोजगारसंधीविषयी अधिक माहितीसाठी मुक्तपीठच्या www.muktpeeth.com वरील नोकरी-धंदा-शिक्षण कॅटेगरी तपासा.

शैक्षणिक पात्रता

अर्ज करणारा उमेदवार,बीईएल प्रशिक्षणार्थी अभियंता भरती २०२१ च्या अधिसूचनेनुसार, इलेक्ट्रॉनिक्स किंवा इलेक्ट्रॉनिक्स आणि कम्युनिकेशन किंवा इतर संबंधित व्यवहारांमध्ये चार वर्षांची पूर्ण-वेळ बीई/बीटेक पदवी उत्तीर्ण असावा.

वयोमर्यादा

१ एप्रिल २०२१ रोजी उमेदवारांचे वय २५ वर्षांपेक्षा जास्त नसावे. एससी/एसटी/ओबीसी आणि इतर राखीव वर्गातील उमेदवारांना जास्तीत जास्त वयोमर्यादेमध्ये सवलत देण्यात आलीय.

शुल्क

या पदासाठी अर्ज करणाऱ्या उमेदवारांकडून कोणतेही शुल्क आकारले जाणार नाही.

अशी होईल निवड

• बीईएल प्रशिक्षणार्थी अभियंता भरती २०२१च्या अधिसूचनेनुसार उमेदवारांची निवड बीई/बीटेक गुण, संबंधित कामाचा अनुभव आणि मुलाखतीच्या आधारे केली जाईल.
• बीई/बीटेक गुणांसाठी ७५%, अनुभवासाठी १०% आणि मुलाखतीसाठी १५% वेटेज निश्चित केले गेले आहेत.

असा करावा अर्ज

• अर्जासाठी अधिकृत संकेतस्थळाला भेट दिल्यानंतर करिअर सेक्शनमध्ये जा.
• नंतर मिलिटरी कम्युनिकेशन एसबीयू बंगळूरू कॉम्प्लेक्स ट्रेनी इंजिनीअर रिक्रूटमेंट सेक्शनमध्ये दिलेल्या ऑनलाईन अॅप्लिकेशन लिंकवर क्लिक करा.
• अर्ज पानावर जा, जिथे उमेदवारांना प्रथम साईनअप करावे लागेल.
• त्यानंतर आपला नोंदणी फॉर्म भरा
• आपली कागदपत्रे अपलोड करा.
• त्यानंतर सॉफ्ट कॉपी स्वतःकडे ठेवा.

अधिक माहितीसाठी

बीइएलच्या अधिकृत वेबसाइट bel-india.inवरून माहिती मिळवू शकता.

पाहा व्हिडीओ: