पंतप्रधान झाले तर राहुल गांधी सर्वप्रथम काय करणार? वाचा त्यांनी काय सांगितलं…

मुक्तपीठ टीम

काँग्रेसचे नेते खासदार राहुल गांधी जर या देशाचे पंतप्रधान झाले तर त्यांचा पहिला निर्णय काय असेल? त्यांच्या चाहत्यांपैकी अनेकांनाच नाही तर काही विरोधकांमधीलही काहींना पडू शकेल असा प्रश्न. याबद्दल थेट राहुल गांधींना एका व्यक्तीने विचारले. यावर काँग्रेस नेते राहुल गांधींनी मजेशीर उत्तर दिले. आमचे सरकार स्थापन झाले तर, माझा पहिला निर्णय महिला आरक्षणाबाबत असेल!

राहुल गांधी गेल्या २१ मार्चला तामिळनाडूच्या दौऱ्यावर होते. यावेळी ते कन्याकुमारीतील मूलगुमुदन येथील सेंट जोसेफ शाळेतही गेले. येथे त्यांनी विद्यार्थ्यांसोबत पारंपरिक नृत्य केले. हेच विद्यार्थी दिवाळीनिमित्त राहुल गांधींना भेटण्यासाठी दिल्लीत आले होते. त्यांनी या विद्यार्थ्यांसोबत भोजन केले. यानंतर त्यांनी याचा एक व्हिडीओही सोशल मीडियावर पोस्ट केला. यावेळी प्रियांका गांधीही उपस्थित होत्या.

Interaction and dinner with friends from St. Joseph’s Matric Hr. Sec. School, Mulagumoodu, Kanyakumari (TN). Their visit made Diwali even more special.

This confluence of cultures is our country’s biggest strength and we must preserve it. pic.twitter.com/eNNJfvkYEH

— Rahul Gandhi (@RahulGandhi) November 6, 2021

मुलांना मी नम्रता शिकवणार- राहुल गांधी

• व्हिडीओमध्ये जेवताना एका व्यक्तीने राहुल गांधींना विचारले की, जर आपले सरकार स्थापन झाले तर पंतप्रधान म्हणून पहिला निर्णय काय असेल.
• राहुल गांधी म्हणाले, प्रथम महिलांना आरक्षण देऊ!
• विद्यार्थ्यांशी संवाद साधताना राहुल गांधी म्हणाले की, जर मला कोणी विचारले की तुम्ही तुमच्या मुलाला काय शिकवाल, तर मी नम्रता शिकवेन, असे सांगेन. कारण नम्रतेने लोकांना समजते.

दिल्लीत छोले-भटुरे आणि कुल्फीची व्यवस्था!

• राहुल गांधींनी त्यांच्या ट्विटर हँडलवरून हा व्हिडीओ ट्विट केला आहे.
• या व्हिडीओमध्ये ते अनेक लोकांसोबत दिसत आहेत. यामध्ये महिलांचाही समावेश आहे.
• येथे त्यांनी तामिळनाडूतील आपल्या मित्रांसाठी दिल्लीचे प्रसिद्ध खाद्यपदार्थ, छोले-भटुरे आणि कुल्फी या जेवणाची व्यवस्था केली.

राहुल गांधींनी व्हिडिओ ट्विट करून लिहिले की, “सेंट जोसेफ शाळेतील मित्रांशी संवाद साधला आणि एकत्र जेवण केले. त्यांच्या दिल्ली भेटीने दिवाळी अधिक खास झाली. संस्कृतींचा हा संगम आपल्या देशाची सर्वात मोठी ताकद आहे आणि ती आपण जपली पाहिजे.”