भारतात माणसासह उडणाऱ्या स्वदेशी ड्रोनचं उत्पादन, पुण्यातील स्टार्टअपचं कर्तृत्व!

मुक्तपीठ टीम

भारतात पहिल्यांदाच माणसासह उड्डाणाची क्षमता असलेले ड्रोनचं उत्पादन सुरु झालंय. आपल्या पुण्यातील सागर डिफेन्स या स्टार्टअप कंपनीनं ही कामगिरी बजावलीय. सध्या स्वदेशी बनावटीचे पायलटलेस ड्रोन भारतीय नौदलासाठी तयार करण्यात आले आहेत. या ड्रोनचा उपयोग मानवी प्रवासासाठीही केला जाईल.

नुकतेच नवी दिल्ली येथे झालेल्या ‘स्वावलंबन’ कार्यक्रमात पंतप्रधान नरेंद्र मोदी यांच्यासमोर त्याचे प्रात्यक्षिक करण्यात आले.

• प्रात्यक्षिक दरम्यान, पायलटविरहित ड्रोनने जमिनीपासून सुमारे दोन मीटर वर उड्डाण केले आणि नंतर परत लँडिंग करण्यापूर्वी पुढे गेले.
• ‘सागर डिफेन्स’ या स्टार्टअपने स्वदेशी ड्रोन ‘वरूण’ बनवले आहे.
• दुसरीकडे, व्यक्तीला फक्त त्यात बसावे लागते आणि त्याशिवाय त्याला काही करायचे नसते.
• हे ड्रोन व्यक्तीला स्वतःहून एका ठिकाणाहून दुसऱ्या ठिकाणी घेऊन जाईल.
• हा ड्रोन रिमोटच्या साहाय्याने चालवले जाणार आहे.
• ‘वरुण’चा वापर सुरुवातीला नौदलातील मालवाहतुकीसाठी केला जाईल.
• यात चार ऑटो पायलट मोड आहेत.
• काही रोटर निकामी झाल्यास हा ड्रोन सतत उड्डाण करण्याची क्षमता टिकवून ठेवतात.
• सध्या जमिनीवर त्याची चाचणी घेण्यात आली आहे.
• येत्या तीन महिन्यांत या ड्रेनची सागरी चाचणी घेतली जाणार आहे.

वरुणची लवकरच सागरी चाचणी

• वरुण ड्रोनच्या जमिनीवर आधारित चाचण्या सध्या सुरू असून येत्या ३ महिन्यांत वरुणाची सागरी चाचणी सुरू होणार.
• नौदलाला समुद्रात एका जहाजातून दुसऱ्या जहाजात माल पाठवायचा असेल तर दोन्ही जहाजे एकमेकांच्या जवळ आणून मगच मालाची वाहतूक केली जाते.
• वरुणच्या मदतीने हे काम सहज पार पडेल.
• घेतलेल्या चाचण्यांमध्ये एका जहाजातून दुसऱ्या जहाजात माल नेण्यात यश आले आहे.
• रूग्णांना रुग्णालयात नेण्यासाठी देखील याचा वापर केला जाऊ शकतो.
• सागर डिफेन्सला नौदलाकडून हा प्रकल्प मिळाला.
• सुमारे दीड वर्षात हा प्रकल्प पूर्ण होणार असल्याचे कंपनीकडून सांगण्यात आले.

विशेष क्षमता

• या ड्रोनला २५ किलोमीटरपर्यंत उड्डाण करता येते.
• १३० किलोपर्यंत सामान किंवा लोक एका ठिकाणाहून दुसऱ्या ठिकाणी नेण्याची क्षमता
• जमिनीपासून दोन मीटर उंच उडेल
• वेळेची क्षमता २५ ते ३३ मिनिटे.

पाहा व्हिडिओ: