मुक्तपीठ टीम
मॉन्ट्रियलच्या एअरपोर्ट कॉन्सिल इंटरनॅशनल म्हणजेच एसीआयच्या स्वच्छताविषयक उपायायोजना राबवणाऱ्या विमानतळांमध्ये आपल्या पुणे विमानतळाचाही गौरव झाला आहे. पुणे विमानतळावरील स्वच्छता आणि त्यासाठीच्या उपाययोजना या आशिया पॅसिफिक क्षेत्रात सर्वोत्कृष्ट मानल्या गेल्या आहेत. विमानतळावरील उपलब्ध सेवांची दर्जा पाहणी करण्याचे काम एसीआय करते. ही संस्था प्रत्येक वर्षी विमान प्रवाशांशी संवाद साधत असते. सध्या सुरू असलेल्या कोराना साथीच्या पार्श्वभूमीवर यावर्षी ‘सर्वोत्कृष्ट स्वच्छता’ या श्रेणीचे महत्व अधिकच वाढले. पुणे विमानतळाला ५० लाख ते दीड कोटी प्रवाशांच्या वर्गात सर्वोत्कृष्ट घोषित करण्यात आले आहे.
स्वच्छता सर्वेक्षणातील निकालांचा आढावा घेताना असे दिसून आले आहे की, जागोजागी आरोग्य सुरक्षा आणि स्वच्छताविषयक उपाययोजनेला महत्व देण्यात आले आहे. पुणे विमानतळ जागतिक सरासरीच्या ४.३० च्या तुलनेत ४.९७ आहे.
भारतीय विमानतळ प्राधिकरणाला अभिमान आहे की, प्रवाशांच्या वाढीव सुविधांवर आणि जागतिक दर्जाच्या विमानतळ सेवांवर भर दिल्याने, अमृतसर, चंडीगड, कोलकत्ता, पुणे आणि वाराणसी हे पाच विमानतळ एअरपोर्ट कॉन्सिल इंटरनॅशनल आणि एअरपोर्ट सर्व्हिस क्वालिटी २०२० मधील जगातील सर्वोत्कृष्ट विमानतळ घोषित करण्यात आले आहेत. यासाठी त्यांना पुरस्कार देण्यात आले आहेत. या विमानतळांना दोन वेगवेगळ्या प्रकारात सहा पुरस्कार मिळाले आहेत.
पाहा व्हिडीओ:
Subscribe
