मुक्तपीठ टीम
डॉ. प्रमोद सावंत यांनी सलग दुसऱ्यांदा गोव्याच्या मुख्यमंत्रीपदाची शपथ घेतली आहे. सावंत कोंकणी भाषेत शपथ घेतली. प्रमोद सावंत यांच्यासह इतर आठ जणांनी मंत्रिपदाची शपथ घेतली. शपथविधी सोहळ्याचा कार्यक्रम तळेगाव येथील श्यामा प्रसाद मुखर्जी स्टेडियम येथे पार पडला. या सोहळ्याला पंतप्रधान नरेंद्र मोदी यांच्यासह गृहमंत्री अमित शाह, संरक्षणमंत्री राजनाथ सिंह, भाजपशासित राज्यांचे मुख्यमंत्री आणि भाजपाचे राष्ट्रीय अध्यक्ष जे. पी. नड्डा यांच्यासह इतर अनेक दिग्गज नेत्यांनी हजेरी लावल्याचं पाहायला मिळालं.
प्रमोद सावंत यांच्यासह आठ नेत्यांनी घेतली शपथ…
- आज सकाळी ११ वाजता प्रमोद सावंत यांनी श्यामाप्रसाद मुखर्जी स्टेडियमवर पद आणि गोपनीयतेची शपथ घेतली.
- यावेळी त्यांच्यासह आठ मंत्र्यांचा शपथविधी सोहळा पार पडला.
- विश्वजीत राणे, सुभाष शिरोडकर, मौविन गोडीन्हों, रवि नायक, निलेश काब्रल, रोहण खौंटे, अटॉनोसियो मोन्सेरात आणि गोविंद गौड आदींनाही पद आणि गोपनीयतेची शपथ देण्यात आली आहे.
- पंतप्रधान नरेंद्र मोदी या सोहळ्याला उपस्थित होते.
- त्यांनी सर्व मंत्र्यांचे अभिनंदन केले.
सावंत यांच्या शपथविधी सोहळ्याची जय्यत तयारी…
- प्रमोद सावंत यांच्या मंत्रिमंडळाचा शपथविधी सोहळ्यासाठी भव्य स्टेज तयार करण्यात आला होता.
- त्यावर गोंय सरकार शपथविधी सुवाळो असं वाक्य लिहिलं होतं.
- या स्टेजच्या भोवती भव्य पोस्टर्स लावण्यात आले आहेत.
- त्यावर पंतप्रधान नरेंद्र मोदी, अमित शहा आणि जेपी नड्डा यांचे फोटो होते.
- शपथविधी सोहळ्यापूर्वी डॉ. प्रमोद सावंत यांनी घरात पूजा अर्चा केली.
- प्रमोद सावंत यांनी मनोभावे कुलदैवतेला साकडे घातले.
- त्यानंतर ते शपथविधीसाठी घराबाहेर पडले.
#मुक्तपीठ LiVE गोवा मुख्यमंत्री प्रमोद सावंत शपथविधी सोहळा
Subscribe
