मुक्तपीठ टीम
साऊथचा सुपरस्टार, बॉलिवूडमध्येही आपला दबदबा निर्माण करणारा बाहुबली अभिनेता प्रभासची जबरदस्त फॉन फॉलोईंग आहे. चाहते त्याच्या चित्रपटांची उत्सुक्तेने वाट पाहत असतात. प्रभास आपल्या चित्रपटांमुळे सोशल मीडियावर चांगलाच चर्चेत असतो. मात्र सध्या प्रभासबद्दल एक वेगळीच चर्चा रंगत आहे, ऐकून चाहत्यांना नक्कीच धक्का बसेल. ही चर्चा म्हणजे, प्रभासने गेल्या एका वर्षात १५० कोटीहून अधिकच्या ब्रँड एंडॉर्समेंट्स नाकारल्या आहेत.
एका अहवालात समोर आलेल्या माहितीनुसार, प्रभास ब्रँड एंडॉर्समेंट करत असतोच. परंतु चाहत्यांमध्ये असलेल्या त्यांच्या प्रतिमेबद्दल तो सावधगिरी बाळगून ब्रँड निवडतो. कारण त्याला माहित आहे की, आपल्याला पसंत करणारा खूप मोठा वर्ग आहे. याकारणास्तव प्रभासने एका वर्षात दीडशे कोटींच्या एंडॉर्समेंट ऑफर्सना नकार दिला आहे.
आदिपुरुष सध्या चर्चेत
- सध्या प्रभास त्याचा आगामी आदिपुरुष या चित्रपटाच्या चित्रीकरणात व्यस्त आहे.
- आदिपुरुषमध्ये प्रभास भगवान रामाची भूमिका साकारत आहे.
- या पौराणिक चित्रपटात सैफ अली खान रावणाच्या भूमिकेत आहे.
- तर सनी सिंग लक्ष्मणाच्या आणि कृती सॅनॉन सीतेच्या भूमिकेत दिसणार आहेत.
- दरम्यान हा चित्रपट पुढील वर्षी सर्वत्र प्रदर्शित होणार आहे.
View this post on Instagram
राधे श्याम प्रदर्शनाच्या वाटेवर
- दरम्यान, प्रभासचा राधे श्याम हा चित्रपट प्रदर्शनाच्या वाटेवर आहे.
- यात प्रभास व्यतिरिक्त अभिनेत्री पूजा हेगडे प्रमुख भूमिकेत दिसणार आहे.
- तसेच हा चित्रपट तेलुगू, तमीळ यासोबतच हिंदीत प्रदर्शित केला जाणार आहे.
View this post on Instagram
Subscribe
