राजपथचा कायाकल्प...आता झाला कर्तव्यपथ! पंतप्रधान मोदींच्या हस्ते उद्घाटन

मुक्तपीठ टीम

विजय चौक आणि इंडिया गेटला जोडणारा रस्ता आजवर राजपथ म्हणून ओळखला जात असे. तो आता इतिहासजमा झाला. सुमारे ३.२० किमी लांबीचा राजपथ आता नवीन रूप आणि नावाने कर्तव्यपथ म्हणून ओळखला जाईल. पंतप्रधान नरेंद्र मोदी आज सायंकाळी ७ वाजता त्याचे उद्घाटन करतील. त्याच्या नवीन स्वरुपात, कर्तव्यपथाभोवती सुमारे १५.५ किमीचा वॉकवे, लाल ग्रॅनाइटपासून बनवलेला आहे. त्याच्या शेजारी सुमारे १९ एकरात कालवाही आहे. त्यावर १६ पूल बांधण्यात आले आहेत.

खाद्यपदार्थांच्या स्टॉलसह दोन्ही बाजूला बसण्याची व्यवस्था आहे. संपूर्ण परिसरात ३.९० लाख चौरस मीटरवर पसरलेली हिरवळही दिसते. विशेष म्हणजे वॉकवे आणि उत्तम पार्किंगच्या विकासासोबतच पादचाऱ्यांसाठी नवीन अंडरपास बनवण्यात आले आहेत. संध्याकाळच्या वेळी, त्याचे दृश्य बदलेल. अंधार पडल्यावर अत्याधुनिक लाईट्सनी ते उजळून निघेल, त्याचा अनुभव वेगळा असेल. शुक्रवारपासून या जागेचा सर्वसामान्यांना लाभ घेता येईल.

नेताजींच्या पुतळ्याचे अनावरण होणार…

पंतप्रधान नरेंद्र मोदी इंडिया गेटवर नेताजी सुभाषचंद्र बोस यांच्या २८ फूट उंच पुतळ्याचे अनावरणही करणार आहेत.
ग्रॅनाइट दगडावर कोरलेल्या या मूर्तीचे वजन ६५ मेट्रिक टन आहे.
२३ जानेवारी, पराक्रम दिनादिवशी ज्या ठिकाणी नेताजींच्या होलोग्राम पुतळ्याचे अनावरण करण्यात आले त्याच ठिकाणी बुधवारी त्याची स्थापना करण्यात येणार आहे.

किंग्स वे ते कर्तव्य पथ…

स्वातंत्र्यापूर्वी राजपथ हा किंग्स वे आणि जनपथ राणीचा मार्ग म्हणून ओळखला जात असे.
स्वातंत्र्यानंतर किंग्स वेच्या मार्गाचे नाव बदलून जनपथ असे करण्यात आले.
तर किंग्स वे राजपथ म्हणून ओळखला जाऊ लागला.
स्वातंत्र्याला ७५ वर्षे पूर्ण झाल्यानंतर आता त्याचे नाव बदलून कर्तव्य पथ असे करण्यात आले आहे.
केंद्र सरकार मानते की राजपथ हा राजाच्या कल्पनेला प्रतिबिंबित करतो, जो शासितांवर राज्य करतो.
तर लोकशाही भारतात जनताच सर्वोच्च आहे.
नाव बदल हे मोठ्या प्रमाणावर वर्चस्व आणि त्याच्या सक्षमीकरणाचे उदाहरण आहे.

१९ एकर परिसरात पसरलेल्या कालव्याचा पुनर्विकास करण्यात आला आहे.
त्यावर पादचाऱ्यांसाठी १६ पूल बांधण्यात आले आहेत.
कृषी भवन आणि व्यावसायिक इमारतीजवळ बोटिंग करता येईल.
येथे पार्किंगची जागा तयार करण्यात आली आहे.
यात १,१२५ वाहने पार्क करू शकतात.
याशिवाय येथे ३५ बसेस उभ्या केल्या जातील.
७४ ऐतिहासिक लाइट पोल्स आणि चेन लिंक्स पुनर्संचयित केले गेले आहेत.
९०० हून अधिक नवीन लाईट पोलही बसवण्यात आले आहेत.
सेंट्रल व्हिस्टा अव्हेन्यूचे ग्रीन एरिया ३.९० लाख चौरस मीटर आहे.
लोकांना चालण्यासाठी १५.५ किमी लांबीचा मार्ग तयार करण्यात आला आहे. त्याला लाल ग्रॅनाइटने झाकलेले आहे.
संपूर्ण परिसर सीसीटीव्हीच्या निगराणीखाली आहे.
जवळपास ८० सुरक्षा कर्मचारी सदैव तैनात असतील.

नवी दिल्ली म्युनिसिपल कौन्सिलच्या बैठकीत निर्णय

नवी दिल्ली म्युनिसिपल कौन्सिल (NDMC) ने बुधवारी राजपथ आणि सेंट्रल व्हिस्टा लॉनचे कर्तव्यपथ असे नामकरण केले.
एनडीएमसीच्या विशेष सभेत यासंदर्भात एकमताने ठराव मंजूर करण्यात आला.
विजय चौक ते इंडिया गेट पर्यंतचा राजपथ आणि सेंट्रल व्हिस्टा लॉन एनडीएमसीच्या अखत्यारीत येतात.
केंद्र सरकारची विविध मंत्रालये, विभाग, कार्यालये येथे आहेत.
केंद्रीय परराष्ट्र व्यवहार आणि सांस्कृतिक राज्यमंत्री मीनाक्षी लेखी यांच्या अध्यक्षतेखाली ही बैठक झाली.
त्या म्हणाल्या की एनडीएमसीला गृहनिर्माण आणि नागरी व्यवहार मंत्रालयाकडून राजपथ आणि सेंट्रल व्हिस्टा लॉनचे नाव बदलण्याबाबत विनंती प्राप्त झाली होती.
एनडीएमसीने लोकशाही व्यवस्था, सांस्कृतिक वारसा आणि सामाजिक मूल्ये लक्षात घेऊन एकमताने प्रस्ताव मंजूर केला आहे.
लोककल्याण आणि राष्ट्रीय विकासासाठी कर्तव्ये अंगीकारण्यासाठी प्रेरणा देणे आणि लोकशाही राष्ट्राच्या थीम आणि मूल्यांवर या प्रदेशाचा संपूर्ण वसाहतवादी इतिहास बदलणे हा त्यामागील हेतू आहे.
त्यांनी राजपथ आणि सेंट्रल व्हिस्टा लॉनचे नाव बदलून कर्तव्यपथ करण्याचा निर्णय ऐतिहासिक असल्याचे त्यांनी म्हटले आहे.