मुक्तपीठ टीम
अनेक प्रसिद्ध मालिकांमध्ये काम करणारा अभिनेता पार्थ समथान आता लवकरच आलिया भट्टसोबत मोठ्या पडद्यावर झळकणार अशी सर्वत्र चर्चा सुरू आहे. त्याने बॉलिवूड पदार्पण करत असल्याची माहिती स्वता: दिली आहे. अनेक मालिकांमध्ये त्याने काम करत प्रेक्षकांच्या आणि तरूणाईच्या मनाात आपली एक वेगळीच छबी उमटवली आहे. त्यामुळे तो सर्वाच्या घराघरात पोहोचलेला तर आहेच परंतु मनातही पोहोचलेला आहे.
पार्थ आणि आलिया ‘पिहरवा’ या चित्रपट एकत्र दिसणार आहेत. कारण पार्थने या चित्रपटासाठी साईनही केल्याचे कळत आहे. गेल्या काही दिवसात पार्थ हा आलिया भट्टचा नुकताच चर्चेत आलेला संजय लीला भन्साळी यांचा ‘गंगूबाई काठियावाडी’ या चित्रपटात दिसणार अशी चर्चा होती परंतु ती अफवा होती तसे काहीही नव्हते.
त्याच्या बॉलीवूडमधील पदार्पणाबद्दलची माहिती मिळताच प्रेक्षक भरपूर उत्साही आहेत. त्यामध्ये त्याच्यासोबत आलिया भट्ट आहे त्यामुळे तर प्रेक्षकांना आतुरता लागून राहिलेली आहे. पार्थ याने असे म्हटले आहे की, तो आऊटसाईडर असल्याने त्याच्यासाठी ही एक मोठी संधी असेल जी त्याला गमवायची नाही आहे. या सिनेमाच्या चित्रीकरणाला पार्थ या वर्षाच्या उत्तरार्धात सुरुवात करेल अशी ही माहिती मिळाली आहे.
पार्थ हा वेगवेगळ्या रूपात छोट्या पडद्यावर प्रेक्षकांच्या भेटीला आला. त्याने त्याच्या करिअरची सुरूवात ‘कैसी ये यारिया’ या एमटीव्ही चॅनलच्या मालिकेने सुरूवात केली होती. तरुणाईमध्ये ती अतिशय लोकप्रिय मालिका झाली होती. त्यानंतर तो २०१८ मध्ये ‘कसौटी जिंदगी की’ या मालिकेत अनुराग म्हणून झळकला लोकांनी त्याच्या भूमिकेला भरपूर प्रेम दिले.
Subscribe
