मुक्तपीठ टीम
देशात सध्या कोरोनाच्या दूसऱ्या लाटेने भयंकर रुप धारण केले आहे. रुग्णांची विक्रमी आकडेवारी समोर येत आहे. आरोग्य संस्थांमध्ये कुठे खाटा तर कुठे ऑक्सिजनची कमतरता भासत आहे. याच दरम्यान, एक दिलासादायक बातमी समोर येत आहे. गुरुवारी विशाखापट्टणच्या स्टील प्लांटवरुन भरलेले सिलिंडर घेऊन निघालेली ऑक्सिजन एक्स्प्रेस शनिवारपर्यंत मुंबईत पोहोचणार असल्याची माहिती स्वत: रेल्वे मंत्री पियूष गोयल यांनी ट्विट करुन दिली आहे.
महाराष्ट्रातील कोरोना परिस्थिती अधिक गंभीर आहे. ऑक्सिजन अभावी रुग्णांचे मृत्यू वाढत आहेत. त्यामुळे ऑक्सिजन एक्स्प्रेसमधून पुरवले जाणारे लिक्विड मेडिकल ऑक्सिजन महाराष्ट्रासाठी आशेचा किरण ठरेल.
The first ‘Oxygen Express’ train loaded with liquid medical oxygen tankers has left for Maharashtra from Vizag.
Railways continues to serve the nation in difficult times by transporting essential commodities and driving innovation to ensure the wellbeing of all citizens. pic.twitter.com/4t7ZKbjeIT
— Piyush Goyal (@PiyushGoyal) April 22, 2021
रेल्वेची विशेष ऑक्सिजन एक्स्प्रेस
- देशातील विविध भागांमधील ऑक्सिजनची कमतरता दूर करण्यासाठी भारतीय रेल्वेने विशेष ऑक्सिजन एक्स्प्रेस सुरु केली आहे.
- रस्त्याद्वारे वाहतूक केलेले ऑक्सिजन टँकर लवकरात लवकर विविध स्टील प्लांटमध्ये जाऊन ऑक्सिजन भरुन मोठ्या शहरांमध्ये ऑक्सिजन पुरवले जाण्याची शक्यता आहे.
- आणखी एक ऑक्सिजन एक्स्प्रेस बोकारो स्टील प्लांटसाठी लखनऊहून रवाना झाली आहे.
- तेथून ही एक्स्प्रेस लिक्विड मेडिकल ऑक्सिजन भरुन उत्तर प्रदेशमध्ये परत जाणार आहे.
- मध्य प्रदेश आणि अन्य राज्यांमध्ये ऑक्सिजन एक्स्प्रेसने ऑक्सिजन पुरवण्याची तयारीही सुरु करण्यात आली आहे.
Subscribe
