ओप्पोचा १५ व्हॅटचा चार्जर, वायर नाही, पण सहा लेयरचं संरक्षण!

मुक्तपीठ टीम

नुकताच ओप्पोने नवीन वायरलेस चार्जर लाँच केला आहे. ओप्पोचा हा वायरलेस चार्जर १५ व्हॅटचा आहे. ओप्पोच्या नव्या वायरलेस चार्जरचा आकार गोलाकार आहे. हा चार्जर पांढऱ्या रंगाच्या एकाच ऑप्शनमध्ये येतो. हा वायरलेस चार्जर सध्या चीनमध्ये लाँच करण्यात आला आहे. कंपनी लवकरच हा वायरलेस चार्जर भारतासह इतर बाजारात आणण्याची शक्यता आहे. त्याच्या सहा लेयरच्या संरक्षणामुळे त्याला एक वेगळी क्षमता लाभली आहे.

वायरलेस चार्जर अनोखे फिचर्स

हा चार्जर वायरलेस चार्जिंग करतो.
याआधी ओप्पोने ४५ डब्ल्यू एअरव्हीओओसी वायरलेस चार्जर आणि ओप्पो ४० डब्ल्यू एअरव्हीओओसी वायरलेस चार्जर लाँच केले.
नवीन १५ डब्ल्यू वायरलेस चार्जरमध्ये क्यूआय वायरलेस चार्जिंग प्रोटोकॉलची क्षमता आहे.
ओप्पोच्या वायरलेस चार्जिंगने जवळजवळ प्रत्येक डिव्हाइसवर चार्ज करण्यासाठी उपयोग केला जाऊ शकतो.
तसेच, १५ डब्ल्यू आउटपुट मिळविण्यासाठी, किमान एक यूएसबी पीडी २.० सुसंगत पॉवर अडॅप्टर आवश्यक आहे.

ओप्पोच्या वायरलेस चार्जरची किंमत

ओप्पोच्या नवीन वायरलेस चार्जरचं डिझाईन खूप छान आहे.
ते आकारात कॉम्पॅक्ट आणि अगदी हलके आहे.
त्याच्या पृष्ठभागावर लेदर फिनिश देण्यात आले आहे.
याशिवाय यात एलईडी इंडिकेटर देखील देण्यात आले आहे.
ओप्पोचा हा वायरलेस चार्जर ६ लेयरच्या संरक्षणासह येतो.
ओप्पोच्या १५ डब्ल्यू वायरलेस चार्जरची किंमत चीनमध्ये ९९ युआन म्हणजेच अंदाजे ११३५ रुपये आहे.
या वायरलेस चार्जरची विक्री चीनमध्येही सुरू झाली आहे.
लवकरच भारतातही तो उपलब्ध होईल.