मुक्तपीठ टीम
संरक्षणमंत्री राजनाथ सिंह यांनी नुकतेच ई-छावणी पोर्टल आणि मोबाईल ॲपचे उद्‌घाटन केले. देशभरातील 62 छावणी मंडळांमध्ये राहाणाऱ्या 20 लाखांपेक्षा जास्त रहिवाशांना घरबसल्या सेवेसाठी याचा फायदा होणार आहे. ऑनलाईन नागरी सेवा उपलब्ध करण्याच्या उद्देशाने www.echhawani.gov.in हे पोर्टल तयार करण्यात आले आहे.
या पोर्टलच्या मदतीने छावणी क्षेत्रात राहाणाऱ्या रहिवाशांना जन्म आणि मृत्यू प्रमाणपत्र मिळवणे, पाण्याचे कनेक्शन आणि सांडपाणी व्यवस्था जोडणी, भाडे कराराचे नूतनीकरण करणे, व्यापार परवाना, फिरत्या स्वच्छतागृहांच्या स्थानांची माहिती मिळवणे आणि विविध प्रकारचे कर आणि शुल्क चुकते करणे यांसारख्या मूलभूत सेवा केवळ एका बटणाच्या क्लिकद्वारे उपलब्ध होणार आहेत.
ई-जीओव्ही फाउंडेशन, भारत इलेक्ट्रॉनिक्स लिमिटेड, संरक्षण मालमत्ता महासंचालनालय आणि नॅशनल इन्फर्मेटिक्स सेंटर यांनी या रहिवाशांना घरबसल्या या सेवा मिळवता याव्यात यासाठी संयुक्तपणे हे पोर्टल तयार केले आहे.
गेल्या काही वर्षात भारत एक जागतिक उर्जाकेंद्र बनला आहे आणि संरक्षण, आर्थिक क्षेत्र, व्यापार, माहिती तंत्रज्ञान, कृषी आणि गुंतवणूक या क्षेत्रांमध्ये आपले ठळक अस्तित्व निर्माण केल्यामुळे गुंतवणूक संधींची भूमी बनला आहे, असे राजनाथ सिंह म्हणाले.
तुमच्या मोबाईल फोनवर ई-छावणी ॲप डाऊनलोड करण्यासाठी खालील लिंक डाऊनलोड करा
https://play.google.com/store/apps/details?id=org.egovernment.echhawani.citizen
पाहा व्हिडीओ:
Subscribe
