NEET Exam PG 2021 परीक्षा पुढे ढकलली! विद्यार्थ्यांच्या आरोग्याचा विचार करून निर्णय- डॉ. हर्षवर्धन

मुक्तपीठ टीम

कोरोनाची दुसरी लाट आल्यामुळे देशात रोज लाखोंच्या संख्येने नवे कोरोना रुग्ण सापडत आहेत. कोरोनाच्या वाढत्या प्रादुर्भावामुळे विद्यार्थ्यांच्या परीक्षा घेणे योग्य नसल्याचे अनेकांचे मत आहे. याच पार्श्वभूमीवर केंद्र सरकारने नॅशनल बोर्ड ऑफ एक्झामिनेशनने मोठा निर्णय घेतला आहे. वैद्यकीय शिक्षणामधील पदव्यूत्तर पदवीसाठीची राष्ट्रीय पात्रता परीक्षा पुढे ढकलण्यात आली आहे. तशी माहिती केंद्रीय आरोग्यमंत्री डॉ. हर्ष वर्धन यांनी दिली आहे.

आरोग्य मंत्री डॉ. हर्षवर्धन यांचं ट्वीट

केंद्रीय आरोग्य मंत्री डॉ. हर्षवर्धन यांनी ट्वीट केलं आहे की, कोरोनाची रुग्णसंख्या वाढत असल्या कारणाने भारत सरकारने #NEETPG2021 परीक्षा पुढे ढकलण्याचा निर्णय घेतला आहे. ही परीक्षा १८ एप्रिलला होणार होती. परीक्षेची पुढील तारीख लवकरच जाहीर करण्यात येणार आहे.त्यांनी आपल्या ट्वीटमध्ये म्हटलं आहे की, ‘आपल्या तरुण वैद्यकीय विद्यार्थ्यांच्या आरोग्याच्या हिताचा विचार करून हा निर्णय घेतला आहे.’

In light of the surge in #COVID19 cases,GoI has decided to postpone #NEETPG2021 exam which was earlier scheduled to be held on Apr 18
Next date to be decided later

Decision has been taken keeping wellbeing of our young medical students in mind.@PMOIndia @MoHFW_INDIA #NEETPG

— Dr Harsh Vardhan (@drharshvardhan) April 15, 2021

एमएस आणि एमडी अभ्यासक्रमांच्या प्रवेशासाठी NEET Exam PG 2021 घेतली जाते. यापूर्वी ही परीक्षा जानेवारीत होणार होती, परंतु कोरोना साथीच्या आजारामुळे पुढे ढकलण्यात आली.