पूरग्रस्तांची खरी गरज ओळखून मदत पुरवणारा धारावीचा हिरो!

मुक्तपीठ टीम

महाराष्ट्रावर अतिवृष्टीमुले महाआपत्तीच कोसळली. अनेक गावांमध्ये होत्याचं नव्हतं झालं. उद्ध्वस्त संसार पुन्हा उभारण्यासाठी महाराष्ट्रात माणुसकीचाही महापूर आला. मात्र, त्यात एक मदत उठून दिसतेय ती मनसेचे मुंबईच्या धारावीतील पदाधिकारी राजेश सोनावणेंची.

पूरग्रस्त बांधवांचं सारं वाहून किंवा चिखलात गेलं. त्यांच्याकडे अंगावरील अंतवस्त्रही नाहीत. तसंच संकट आलं म्हणून मायभगिनींचा मासिक पाळीसारखा देहधर्मही सुटत नाही. दुकानांमधील इतर मालासोबत सॅनिटरी नॅपकिनही खराब झाले. आता करायचे काय? नेमकी हीच गरज ओळखून राजेश सोनावणे यांनी हजारो पॅड, स्त्री-पुरुषांची अंतवस्त्रे रायगड आणि चिपळूणमध्ये पाठवले आहेत.

राजेश, आमचा शाळकरी मित्र. अभ्यासी गुणवत्तेत यथातथा पण हृदयाच्या श्रीमंतीत मात्र ‘अंबानी’. शालेय शिक्षण पूर्ण झाल्यावर आम्ही आपापल्या नशिबाच्या शोधात निघालो, पण हा मात्र तिथेच राहीला. बरेच ‘चतुर’ इतरांपेक्षा पुढे गेल्याच्या आभासी आनंदात ‘रम’ले, पण आमचा हा ‘रेंचो’ मात्र pic.twitter.com/LqwlfMNbYM

— Raj Gandre (@RajGandre) July 28, 2021

मनसेचे धारावी विभाग अध्यक्ष राजेश सोनावणे यांच्या या कार्यात उपविभाग अध्यक्ष विजय भाऊ पोळ, सचिव विनय कदम, शाखा अध्यक्ष संदिप कवडे, रमेशकुमार, मनसे वाहतूक सेना चिटणीस नितीन दिवेकर, उपचिटणीस प्रशांत शिखरे, बेस्ट कर्मचारी सेना उपचिटणीस किशोर माने, जनहित विधी चिटणीस नितीन सोनावणे तसेच महाराष्ट्र सैनिक बबन सुर्य तळ किरण चव्हाण, पदमानाभन, इमरान यांचा सहभाग होता.