मुक्तपीठ टीम
दिल्लीतील जहांगीरपुरी येथे हनुमान जयंती मिरवणुकी दरम्यान झालेल्या हिंसाचारानंतर एकीकडे दिल्ली पोलीस कठोर कारवाई करत आहे. तर दुसरीकडे उत्तरप्रदेश, मध्यप्रदेश गाजवणारा बुलडोझर आता दिल्लीतही वापरला जात आहे. हिंसाचाराच्या तीन दिवसांनंतर अनधिकृत बांधकामांवर दिल्ली महानगपालिकेचा बुलडोझर फिरवला गेला. परिसरातून बेकायदा बांधकामे हटवली गेली. घटनास्थळी ४०० पोलीस कर्मचारी तैनात आहेत. मात्र सर्वोच्च न्यायालयाने ११ वाजता ही कारवाई थांबवली आहे. यावर उद्या गुरुवारी सुनावणी होणार आहे.
दिल्लीतील जहांगीरपुरी भागातील अतिक्रमण हटवण्याची मागणी अनेक दिवसांपासून होत होती. विशेष म्हणजे केंद्रीय गृहमंत्रालय दिल्ली हिंसाचाराच्या संदर्भात कठोर झाले आहे. केंद्रीय गृहमंत्री अमित शाह यांच्या आदेशानंतर प्रशासनही खूप कडक कारवाई करत आहे.एमसीडी २० आणि २१ एप्रिल रोजी दिल्लीच्या जहांगीरपुरी भागात बेकायदेशीर बांधकामांवर तोडक कारवाई करणार आहे. यादरम्यान कोणताही अनुचित प्रकार घडू नये यासाठी दिल्ली पोलिसांचे ४०० कर्मचारी घटनास्थळी तैनात होते.
नागरिकांकडून सामान हलवण्यास सुरुवात…
- एमएसडी आज या भागातील बेकायदा बांधकामे पाडण्याची कारवाई करणार आहे.
- यावरून परिसरात तणावाचे वातावरण आहे.
- जहांगीरपुरी, कुशल सिनेमा चौक समोर सीडी पार्क झोपडपट्टीच्या बाहेर अनेक अवैध बांधकामं आहेत.
- ही बेकायदा बांधकामे आज हटविण्यात येणार असल्याचे समजताच नागरिकांमध्ये घबराट निर्माण झाली.
- सर्वांनी आपले सामान तिथून काढायला सुरुवात केली.
Subscribe
