मुक्तपीठ टीम
महिंद्रा अँड महिंद्र पुढील महिन्यात त्यांच्या ५ नवीन इलेक्ट्रिक एसयुव्हीसह ग्लोबल झेप घेणार आहे. ही झेप जागतिक पदार्पण १५ ऑगस्ट रोजी स्वातंत्र्य दिनी घेतली जाईल. यासाठी कंपनीने नुकताच एक टीझरही जारी केला आहे. महिंद्रा अँड महिंद्राच्या टीझरमध्ये दाखवलेल्या पाच एसयुव्हीपैकी चार कूप-एसयूव्ही बॉडी स्टाइलमध्ये आहेत. पाचवी एसयूव्ही महिंद्राच्या सध्याच्या फ्लॅगशिप एक्सयुव्ही ७०० च्या इलेक्ट्रिक व्हर्जनसारखी दिसते. ही नवीन इलेक्ट्रिक कार युकेमधील ऑक्सफर्डशायरमधील महिंद्रा एडवांस्ड डिझाइन युरोप (MADE) स्टुडिओमध्ये प्रदर्शित केले जातील.
कंपनीने काही वेळापूर्वी जारी केलेल्या टीझरमध्ये स्पष्ट केले होते की, पुढील आणि मागील दोन्ही बाजूस सी-आकाराचे एलईडी सिग्नेचर लॅम्प देण्यात आले आहेत. मात्र, नवीन टीझरमध्ये हे दिसत नाही. सध्या, या पाच इलेक्ट्रिक एक्सयुव्हीबद्दल फारशी माहिती समोर आलेली नाही, पण काही काळात कंपनी त्यांच्याबद्दल अधिक माहिती शेअर करेल.
Subscribe
