महाराष्ट्रात कोरोनाचे ३,३६५ नवे रुग्ण, वाढता संसर्ग चिंताजनक!

मुक्तपीठ टीम

एकीकडे महाराष्ट्रातील कोरोना रुग्ण बरे होण्याचे प्रमाण ९५.७% एवढे झाले आहे, तर दुसरीकडे मंगळवारी एका दिवसात राज्यात ३,३६५ नवीन रुग्णांचे निदान झाले आहे. त्यामुळे पुन्हा एकदा महाराष्ट्रात कोरोनाचा संसर्ग धोकादायक पद्धतीने पसरताना दिसत आहे.

महाराष्ट्राचा कोरोना रिपोर्ट 

• २४ तासात ३,१०५ रुग्ण बरे होऊन घरी, राज्यात आजपर्यंत एकूण १९,७८,७०८ करोना बाधित रुग्ण बरे होऊन घरी. यामुळे राज्यातील रुग्ण बरे होण्याचे प्रमाण (Recovery Rate) ९५.७% एवढे झाले आहे.

• राज्यात ३,३६५ नवीन रुग्णांचे निदान.

• राज्यात २३ करोना बाधित रुग्णांच्या मृत्यूंची नोंद .सध्या राज्यातील मृत्यूदर २.४९ % एवढा आहे.

• आजपर्यंत तपासण्यात आलेल्या १,५३,५९,०२६ प्रयोगशाळा नमुन्यांपैकी २०,६७,६४३ (१३.४६ टक्के ) नमुने पॉझिटिव्ह आले आहेत.

• सध्या राज्यात १,७४,७०४ व्यक्ती होमक्वारंटाईनमध्ये आहेत तर १,७१४ व्यक्ती संस्थात्मक क्वारंटाईनमध्ये आहेत.

राज्यातील सक्रिय रुग्ण  –

राज्यात आज रोजी एकूण ३६,२०१ सक्रिय रुग्ण आहेत. राज्यातील जिल्हानिहाय सक्रिय रुग्णांचा तपशील खालील प्रमाणे आहे:

(टीप – बरे झालेल्या रुग्णांची जिल्ह्यानिहाय माहिती कोविड पोर्टलवरुन घेण्यात येते. जिल्हास्तरावरुन सदर माहिती अद्ययावत करण्याची कार्यवाही करण्यात येत आहे.)

करोना बाधित रुग्ण –

आज राज्यात ३,३६५ नवीन रुग्णांची नोंद झाली. आता राज्यातील करोना बाधित रुग्णांची एकूण संख्या २०,६७,६४३  झाली आहे. राज्यातील जिल्हा आणि  मनपानिहाय रुग्णांचा तपशील पुढीलप्रमाणे आहे-

(टीप– आज नोंद झालेल्या एकूण २३ मृत्यूंपैकी ७ मृत्यू हे मागील ४८ तासातील तर ३ मृत्यू हे मागील आठवडयातील आहेत. उर्वरित १३ मृत्यू हे एक आठवडयापेक्षा अधिक कालावधीपूर्वीचे आहेत. हे १३ मृत्यू रायगड–१०, औरंगाबाद–२ आणि  ठाणे–१ असे आहेत. पोर्टलनुसार आकडेवारी अद्ययावत करण्याच्या प्रक्रियेमध्ये या सर्व मृत्यूंची नोंद आज घेण्यात आली आहे.

ही माहिती केंद्र सरकारच्या आय. सी. एम. आर.पोर्टलवर मान्यताप्राप्त प्रयोगशाळांनी भरलेल्या कोविड १९ बाधित रुग्णांच्या आकडेवारीनुसार तयार करण्यात आलेली आहे. प्रयोगशाळा अहवाल छाननी आणि त्यानुसार उपलब्ध होणारी आकडेवारी ही सातत्याने चालणारी प्रक्रिया असल्याने राज्याच्या एकूण आकडेवारीमध्ये बदल होऊ शकतो.)