मुक्तपीठ टीम
कारगिल युद्धात पाकिस्तानी बंकर्सना उद्धवस्त करणाऱ्या मिलान टी -२ या अँटी टँक गाईडेड मिसाइल्स आता मोठ्या संख्येनं भारतीय सेनादलाकडे असतील. भारताने त्यासाठी ही मिसाइल्स भारताच बनवण्याचा करार फ्रेंच कंपनीशी केला आहे.
चीन आणि पाकिस्तान यांच्यासोबत असलेल्या तणावाच्या पार्श्वभूमीवर भारत सरकार आता लष्करी दलांचे आधुनिकीकरण करत आहे. हवाई दलाला मजबूत करण्यासाठी नुकतेच सरकारने रशियासोबत मिग आणि सुखोई विमानांकरिता करार केला होता. मिलान २-टी अॅन्टी-टँक गाईडेड मिसाइल तयार करण्याचे कंत्राट संरक्षण मंत्रालयाने भारत डायनॅमिक्सला दिले आहे.
यासाठी संरक्षण मंत्रालयाने १,१८८ कोटी रुपयांचा करार केला आहे. हे मिसाइल फ्रान्सच्या डिफेन्स फर्मच्या परवान्यासह भारत डायनेमिक्स तयार करणार आहे. ही सरकारी कंपनी एकूण ४,९६० अॅन्टी-टँक गाईडेड मिसाइल्सची निर्मिती करेल. या मिसाइल्सच्या व्यवहारासाठी केंद्र सरकार गेल्या दोन वर्षांपासून तयारी करत आहे. याच्या निर्मितीत उशीर होत असल्यामुळे हा करार पुढे ढकलला जात होता.
लष्कराला सध्या हजारो अॅन्टी-टँक मिसाइलसह लॉन्चर्सचीही आवश्यकता आहे. त्यांची थर्ड जनरेशनच्या अॅन्टी-टँक मिसाइल खरेदी करण्याचीही योजना आहे, परंतु यासाठी वेळ लागेल. त्यांचे सध्या भारतात विकास करण्याचे काम सुरू आहे. २ टी अॅन्टी-टँक गाईडेड मिसाइल मिळवून सैन्याची गरज मोठ्या प्रमाणात पूर्ण केली जाईल. त्याची रेंज २ किमीपेक्षा जास्त आहे. शत्रू सैन्याच्या टँक रेजीमेंटचा सामना करण्यासाठी सेकेन्ड जनरेशनमधील हे मिसाइल प्रभावी ठरणार आहेत.
मिलान २ टी मिसाइल १९९९ मध्ये कारगिल युद्धाच्या वेळी वापरण्यात आले होते. त्यावेळी पाकिस्तानी लष्करी बंकर नष्ट करण्यासाठी याचा वापर केला होता.
पाहा व्हिडीओ:
Subscribe
