मुक्तपीठ टीम
देशात ५जी नेटवर्क सुरू होण्याची लोक आतुरतेने वाट पाहत आहेत. रिलायन्स जिओने ५जी स्पेक्ट्रम लिलाव जिंकला आहे. ५जी स्पेक्ट्रम अंतर्गत ५१२३६Mhz स्पेक्ट्रमचा लिलाव करण्यात आला आहे. स्पेक्ट्रम लिलावात रिलायन्स जिओ इन्फोकॉमने सर्वाधिक बोली जिंकली आहे. ५जी लिलाव एकूण १,५०,१७३ कोटी रुपयांना झाला आहे, एकट्या जिओने ८८,०७८ कोटी रुपयांचे स्पेक्ट्रम खरेदी केले आहे, म्हणजेच ५० टक्क्यांहून अधिक स्पेक्ट्रम जिओच्या ताब्यात आहे. रिलायन्सने एकूण २४,७४० मेगाहर्ट्झ स्पेक्ट्रम खरेदी केले आहे. रिलायन्सने ७००मेगाहर्ट्झ , ८००मेगाहर्ट्झ , १८००मेगाहर्ट्झ, ३३००मेगाहर्ट्झ आणि २६गिगाहर्ट्झ स्पेक्ट्रमसाठी बोली लावली.
जिओचे ५जी नेटवर्क १५ ऑगस्टला लाँच होण्याची शक्यता
- जिओची ५जी सेवा १५ ऑगस्टला लाँच होण्याटी शक्यता आहे.
- रिलायन्स जिओ इन्फोकॉमचे चेअरमन आकाश अंबानी यांनी स्पष्ट केले की, जिओ ५जी लाँच करून आझादीचा अमृत महोत्सव साजरा करेल.
- जिओने २२ सर्कलसाठी ५जी स्पेक्ट्रम विकत घेतला आहे.
आकाश अंबानी यांनी एका निवेदनात म्हटले आहे की, “नवीन तंत्रज्ञानाचा अवलंब करून भारत जगातील एक मोठी आर्थिक शक्ती बनेल यावर आमचा नेहमीच विश्वास आहे. याच व्हिजन आणि खात्रीने जिओला जन्म दिला. जिओच्या ४जी रोलआउटचा वेग, स्केल आणि सामाजिक प्रभाव जगात अतुलनीय आहे आणि आता जिओ भारतात ५जी तंत्रज्ञानामध्ये आघाडी घेण्यास सज्ज आहे.
ते पुढे म्हणाले, “जिओ जागतिक दर्जाची, परवडणारी ५जी सेवा देण्यासाठी वचनबद्ध आहे. आम्ही सेवा, प्लॅटफॉर्म आणि उपाय प्रदान करू जे भारताची डिजिटल क्रांती घडवून आणतील, विशेषत: शिक्षण, आरोग्यसेवा, कृषी, उत्पादन आणि ई-गव्हर्नन्स यासारख्या गंभीर क्षेत्रांमध्ये. माननीय पंतप्रधानांचे डिजिटल इंडिया मिशन साकार करण्यात हे आमचे पुढचे अभिमानास्पद योगदान आहे.
५जी स्पेक्ट्रम खरेदी करण्यात एअरटेल दुसऱ्या क्रमांकावर
- ५जी स्पेक्ट्रमचा लिलाव आता संपला आहे.
- यामध्ये जिओने सर्वाधिक स्पेक्ट्रम जिंकला आहे.
- भारती एअरटेलचे नाव दुसऱ्या क्रमांकावर आहे.
- भारती एअरटेलने १९८६७ मेगाहर्ट्झ स्पेक्ट्रम खरेदी केला आहे.
- त्याच वेळी, व्होडाफोन-आयडियाने ६२२८ मेगाहर्ट्झ स्पेक्ट्रम खरेदी केला आहे.
- अदानी डेटा नेटवर्कने २६गिगाहर्ट्झ एअरवेव्ह स्पेक्ट्रमसाठी बोली लावून ४००मेगाहर्ट्झ स्पेक्ट्रम विकत घेतला आहे.
Subscribe
