भारत सीमेवर S-400 क्षेपणास्त्र तैनात करणार, हवाई हल्ला होण्याआधीच रोखणार!

मुक्तपीठ टीम

भारतीय सीमेवर सतत लढाऊ विमाने पाठवणाऱ्या चिनी ड्रॅगनला चोख प्रत्युत्तर देण्यासाठी भारत जोरदार तयारी करत आहे. भारत पुढील दोन ते तीन महिन्यांत चीनच्या सीमेवर आपले दुसरे हवाई संरक्षण प्रणाली S-400 क्षेपणास्त्र सक्रिय करेल. S-400 च्या तैनातीमुळे, भारतीय वायुसेना केवळ चिनी लढाऊ विमाने, बॉम्बर, क्षेपणास्त्रे आणि ड्रोन यांनी दुरूनच ओळखली जाणार नाही तर, एका झटक्यात त्यांचा नाशही करेल. भारताच्या या निर्णयामुळे चीन आणि पाकिस्तानची चिंता वाढली आहे.

S-400 हवाई संरक्षण प्रणाली भारतीय लष्कराला आणखी मजबूत करेल. ते चीनने पाठवलेली लढाऊ विमाने, क्षेपणास्त्रे, ड्रोन आणि स्ट्रॅटेजिक बॉम्बर यांचा शोध घेईल आणि एका झटक्यात नष्ट करेल. १५ ऑक्टोबर २०१६ रोजी भारत आणि रशियामध्ये या क्षेपणास्त्र प्रणालीबाबत करार झाला होता. हा करार सुमारे ४० हजार कोटी रुपयांचा आहे. दोन्ही देशांमधील या संरक्षण कराराच्या पाच वर्षानंतर भारताला ही क्षेपणास्त्र प्रणाली मिळणार आहे.

वायव्य सीमेवर एस-400 क्षेपणास्त्र तैनात, चीन आणि पाकिस्तानमध्ये भितीचे वातावरण

• भारताने आपल्या रणनीतीचा भाग म्हणून हे S-400 हवाई संरक्षण यंत्रणा वायव्य सीमेवर तैनात केले आहे.
• रशियन S-400 क्षेपणास्त्र प्रणालीमुळे भारतीय शत्रूंची चिंता वाढली आहे.
• चीन आणि पाकिस्तान या दोन्ही देशांकडून एकाच वेळी हवाई धोक्यांचा सामना करणे हा त्याचा उद्देश आहे.
• S-400 चीनच्या आघाडीवर तैनात केले जाईल. या क्षेपणास्त्र प्रणालीमुळे भारताची सुरक्षा यंत्रणा मजबूत होणार आहे.
• भारत पुढील दोन-तीन महिन्यांत चीन सीमेवर आपले दुसरे S-400 क्षेपणास्त्र सक्रिय करेल.

हवाई संरक्षण प्रणाली काय काम करते?

हवाई संरक्षण यंत्रणेत कोणत्याही संभाव्य हवाई हल्ल्याचा लवकर शोध घेण्याची क्षमता असते. याशिवाय क्षेपणास्त्रविरोधी मारा करून शत्रूची विमाने आणि क्षेपणास्त्रे हवेत नष्ट करू शकतात. भारताने आतापर्यंत रशियाकडून केवळ मारण्यासाठी शस्त्रे खरेदी केली आहेत. भारत पहिल्यांदाच रशियाकडून S-400 संरक्षण प्रणाली खरेदी करत आहे.

पाहा व्हिडिओ: