मुक्तपीठ टीम
राष्ट्रवादी काँग्रेस पक्षचे राष्ट्रीय अध्यक्ष खा. शरद पवार यांच्या ८३ व्या वाढदिवसानिमित्त प्रदेशाध्यक्ष जयंतराव पाटील यांनी संकल्पना मांडलेला ‘एक तास राष्ट्रवादीसाठी, आगामी महाराष्ट्राच्या विकासासाठी’ हा संघटना वाढीचा उपक्रम सुपर डुपर हिट ठरत आहे ! या आठवड्यात साखराळे इथे आयोजित केलेल्या बैठकीला लोकांचा उत्स्फूर्त प्रतिसाद मिळाला आहे.
प्रदेशाध्यक्ष जयंत पाटील यांनी जेव्हा पासून पक्षाची सुत्रे हाती घेतली आहे तेव्हापासून पक्षात एकामागोमाग एक नाविन्यपूर्ण उपक्रम ते राबवत आहेत. राष्ट्रवादी पक्ष अभिप्राय, राष्ट्रवादी परिवार संवाद यात्रा, राष्ट्रवादी कनेक्ट, मंत्र्यांचा जनता दरबार अशा उपक्रमांची यादीच आहे. मात्र यात आता ‘एक तास राष्ट्रवादीसाठी, आगामी महाराष्ट्राच्या विकासासाठी’ या उपक्रमाची त्यात भर पडली आहे.
राष्ट्रवादी काँग्रेस पक्षचे राष्ट्रीय अध्यक्ष खा. शरद पवार यांच्या वाढदिवसानिमित्त या उपक्रमाची सुरुवात करण्यात आली. संघटना वाढविण्यासाठी हा उपक्रम असून यात पदाधिकारी आपल्या मूळ गावी बैठक घेऊन लोकांची प्रश्न जाणून घेतात व एका चांगल्या विचारांची देवाणघेवाण करतात
सुरुवातीपासूनच एक चांगला प्रतिसाद असलेल्या या उपक्रमाला दिवसेंदिवस प्रतिसाद वाढत आहे. तसेच राज्यभर कार्यकर्ते हा उपक्रम राबवत आहे.या उपक्रमाची गती पाहता आगामी स्थानिक स्वराज्य निवडणुकांच्या दृष्टीने राष्ट्रवादी काँग्रेस पक्षाने चांगलीच कंबर कसली आहे आणि ही मेहनत पक्षाला नक्कीच त्यांचे ध्येय गाठण्यासाठी मदत करेल.
Subscribe
