मुक्तपीठ टीम
दोस्ती करताना सारी दुनियादारी बाजूला पडते. पण काही वेळा दोस्तच दोस्ती निभावताना दुनियेचा विचार करतात तेव्हा समाजासाठी काही तरी चांगलं घडतं. एकीकडे कोरोनाचा प्रादुर्भाव वाढत असताना दुसरीकडे रुग्णांना उपचारासाठी बेड उपलब्ध मिळत नाहीत. बीडमधील प्रकाश देसरडा पुण्याला गेले असताना त्यांच्या एका नातेवाईकाचा बेड न मिळाल्याने मृत्यू झाला. तेव्हा त्यांना किमान आपल्या शिरुर कासार गावात असे घडू नये असे वाटले. कोरोनावरील उपचारांची गरज लक्षात घेऊन बीड जिल्ह्यातल्या प्रकाश देसरडा, डॉ भगवान सानप, डॉ. गणेश देशपांडे आणि अभिजीत डुंगरवाल या चार मित्रांच्या मैत्रीतून एक सुसज्ज असं कोरोना रुग्णालय उभे राहिलं आहे. हे रुग्णालय आता बीडच्या ग्रामीण भागातल्या रुग्णासाठी आरोग्य सेवेचे वरदान ठरु लागलं आहे.
शाळेमध्ये सुरु केलेले हे कोरोना उपचार केंद्र ‘ना नफा – ना तोटा’ या संकल्पनेवर चालवले जाते. तेथे जे रुग्ण येतात त्यांच्याकडून शासकीय रुग्णालयांपेक्षाही कमी शुल्क आकारले जाते. रुग्णांकडून नाममात्र पैसे घेण्याचा उद्देश एवढाच की रुग्णांना सन्मानाने उपचार घेता यावेत. त्यांना कोणी फुकट काही दिलं आहे, असं वाटू नये. सध्याच्या परिस्थितीत सरकारला मदत करण्यासाठी पुढे यावे, हे आपले कर्तव्य आहे, म्हणूनच आम्ही हे कोरोना सेंटर आमच्या स्वतःच्या पैशातून सुरू केले, असे अभिजीत डुंगरवाल सांगतात.
कोरोना सेंटरमधील सुविधा
• १० तज्ञ डॉक्टर आणि प्रशिक्षित नर्सिंग स्टाफ यांची एक मोठी टीम आहे.
• ईसीजी, एक्स-रे, ३ रुग्णवाहिका आणि ऑक्सिजनचे १५ ते २० सिलिंडर्स नेहमीच असतात.
• येथे सर्व रूग्णांना गृहविलगीकरणासाठी मोफत समुपदेशन व योग्य समुपदेशन दिले जाते.
• कोरोना सेंटरमधील रुग्णांच्या नातेवाईकांच्या निवासासाठी स्वतंत्र व्यवस्था करण्यात आली आहे.
• कोरोना सेंटरकडूनच सर्व रुग्णांसाठी तीन वेळच्या जेवणाचीही व्यवस्था केली जात आहे.
• संक्रमित रुग्णाच्या निधनानंतर त्याच्या अंत्यविधीची जबाबदारीही त्याच कोरोना सेंटरकडून घेण्यात आली आहे. तथापि, ही अत्यंत आरामदायक बाब आहे की आतापर्यंत या केंद्रात कोरोनाचा एकही रुग्ण मरण पावला नाही.
• सध्या येथे १० डॉक्टरांसह ४० आरोग्य कर्मचारी कार्यरत आहेत.
कोरोना सेंटरचे वैशिष्ट्य
• बीड जिल्ह्यातील शिरूर तहसीलमध्ये ‘आयडियल इंग्लिश स्कूल’ मध्ये हे कोरोना सेंटर आहे.
• या कोरोना सेंटरमध्ये १२ ऑक्सिजन बेड आणि ३८ सामान्य बेड आहेत.
• रुग्णांना तीन वेळचे भोजन दिले जाते.
• तेथे १० डॉक्टरांसह ४० लोकांचा कर्मचारी आहे.
• १८ एप्रिलपासून १५० लोकांना बरे झाले आणि त्यांना घरी पाठवण्यात आले.
• सध्या येथे ३७ सक्रिय रूग्णांवर उपचार सुरू आहेत.
• त्यांच्यासाठी पुरेसा ऑक्सिजन आणि औषधाचा साठा आहे.
पाहा व्हिडीओ:
Subscribe
