मुक्तपीठ टीम
कोरोना ब्रेकनंतर आता बॉलिवूड पुन्हा एकदा ब्रेक के बाद जोशाने अॅक्शन सुरु करत आहे. मुंबईत ७ जूनपासून चित्रिकरणासाठी सशर्त परवानगी देण्यात आली आहे. सध्या यशराज बॅनरला आमिर खानच्या मुलाच्या चित्रपटाचे शूटिंग पुन्हा सुरू करण्यात यश आले आहे. ‘महाराजा’ असे या चित्रपटाचे नाव आहे. त्याचे शूटिंग मुंबईतील मरोळ नाका येथे सुरू आहे. १५ जूनपासून मोठ्या चित्रपटांचे शूटिंगही सुरू होईल. पहिल्यांदा ‘गंगूबाई’ चित्रपटाचे शूटिंग सुरू होईल, त्यानंतर १६ जूनपासून ‘आदिपुरुष’ चित्रपटाचे शूटिंगही सुरू होईल आणि १८ तारखेपासून अक्षय कुमारच्या ‘रक्षाबंधन’ चित्रपटाचे शूटिंग सुरू होईल. याशिवाय ‘एक विलन २’ आणि ‘पठाण’ या चित्रपटाची शूटिंगही या महिन्यातच सुरू होणार आहे.
मोठे बजेट असलेल्या चित्रपटांचे शूटिंग १५ जूननंतरच!
• १५ जूनपूर्वी मोठ्या बजेटच्या चित्रपटांचे शूटिंग, निर्बंधांमुळे सुरू होऊ शकत नाही.
• कारण त्यांना मोठ्या संख्येने क्रू मेंबर्सची आवश्यकता असते.
• मोठे सीन शूट करावे लागतात.
• जर आपल्याला करायचे असेल तर यासाठी जुनियर कलाकारांची देखील आवश्यकता आहे.
• सध्याच्या परिस्थितीत निर्बंधामुळे कोणत्याही प्रोडक्शन हाऊसला क्रू मेंबर्सला बायोबबलच्या सेटवर आणावे लागेल.
• क्रू मेंबर्सना शूट सुरू करण्यासाठी सेटवर जाण्यापूर्वी सात दिवस घरी किंवा हॉटेलमध्ये रहावे लागेल.
• अशा स्थितीत बिग बजेटच्या चित्रपटांची किंमत आणखी वाढेल.
सध्या आमिरचा मुलगा आणि यशराजचेच चित्रिकरण
• आमिर खानचा मुलगा जुनैद खान याच्या ‘महाराजा’ चित्रपटाच्या चित्रीकरणाची नुकतीच सुरुवात झाली आहे.
• कारण त्यांच्या सेटवर केवळ २० ते २५ क्रू मेंबर उपस्थित आहेत.
• बायो बबलमध्ये शूट करण्याची परवानगी ७ जूनपासून मिळू शकेल असा अंदाज त्याने आधीच वर्तविला होता.
• अशा परिस्थितीत त्याने आधीपासूनच आपल्या क्रू मेंबर्सना अलग ठेवले होते. आता तो मुंबईतील मरोळ नाका येथे शूटिंग करत आहे.
• यशराज २० जूननंतर आपल्या ‘टायगर ३’ आणि ‘पठाण’ या बॅनरच्या दोन मोठ्या चित्रपटांची शूटिंग सुरू करणार आहे.
अक्षयच्या रक्षाबंधनचे १८ जूनपासून चित्रिकरण
• अक्षय कुमार १८ जूनपासून ‘रक्षाबंधन’ चित्रपटाच्या शूटिंगला सुरुवात करत आहे. चित्रपटाचा सेट मुंबईतील फिल्म सिटीमध्ये आहे.
• हा सेट मुंबईतील चाळीचा असल्याचे समजते.
• ‘रक्षाबंधन’ चित्रपटासाठी ४० दिवसांचे वेळापत्रक फिल्मसिटीमध्ये तयार करण्यात आले आहे.
‘गंगूबाई’ चित्रपटाचे ८ दिवसांचे शूटिंग बाकी
• भन्साळी प्रॉडक्शनच्या ‘गंगूबाई’ चित्रपटाची शूटिंग येत्या १५ जूनपासून सुरू होणार आहे.
• त्यासाठी जुनागडचा सेट फिल्मसिटीमध्ये बसविण्यात आला आहे.
• सध्या त्याची आठ दिवसांची शूटिंग बाकी असल्याची माहिती मिळाली आहे.
‘आदिपुरुष’ चित्रपटाचे शूटिंग मुंबईतच
• पहिल्यांदा या चित्रपटाचे शूटिंग हैदराबादमध्ये करण्याची योजना आखली जात होती.
• परंतु हैदराबादमध्ये परवानगी मिळाली नाही.
• मुंबईतच याची पुन्हा शूटिंग करण्याचा निर्णय घेतला.
• त्यामुळे येथेच शुटिंगची योजना आखण्यात आली होती.
Subscribe
